سبحان من يغفر ذنوب العباد الكبار
جميعها ما عدا عباده ان تشركه
يا مجري الريح بامره من مدار لمدار
جميع ملك تحت ملكك ولك مملكه
يالله بقاف سوات النار يقدح شرار
نار تذلق سناها لا بغيت احبكه
ذخاير المدح مثل الدارب من البكار
حرة و من فوقها مسامه و ميركه
مناسك الحج من تحرم الرمي الجمار
الحج له منسكه و الطيب له منسكه
و العذبي اللي علينا كرمته فالفقار
علي رفقه يا حقه كل ما نملكه
ارحب يا ابن فاضل اللي له مكان و وقار
ولا النعم مدركه في ذمتي مدركه
الراس مصنع حمايا و الفعايل كبار
يحذف راس الطلي و الحاشي يبركه
يا علي ابن ناصر اخذ السالفة باختصار
يفداك من مرجلتهم كلها فبركة
من لا يسوي سواتك لا تسلف شنار
ان جاء المقام اتكره و ان جاء الهوان اتركه
اخذني سلاحك اللي كل ما ثرت ثار
مده على القوم و اردف عزوتك و افلكه
يا اهل الصفر لحد يذخر ترا الشوط حار
ما عاد ينفعكم التهريب و الفرنكه
موجو من وجيهنا يمين ولا يسار
ما عقبنا الا الزمان الشين و التهلكه
جينا بشرد البكار مطيرات الغبار
القاع في رجفه و الجو في وعكه
طلايع دونها بيعة عمر و انتحار
لو تنتحر دونها خيره و زود بركه
ما نقبل الا بعرنون تقوس و دار
خطوات متمزع كنك تطق حنكه
ابا اقتبس بيت ابو نايف نهار جهار
الشدق كنه ذليق تو فتح كبكه
اليا ندبوه احتفل و ان راح تالي النهار
لا لوحو بالعبي صمله و قو احركه
البدو حنا و دبرتنا عليها قرار
قدام كلن يبث سنابه و تكتكه
انبرها فالدهر و انبرها فالخضار
كن السمن فوق باهرها تشق عككه
ما جاتنا دعم ولا جاتنا بالاجار
ما للعرب منه ولاهي بذود شركه
ما زال حكم الرياض و زاد حكمه عمار
من حط عبدالعزيز السلف في مصمكة
حظورنا عاقب البدوان في كل دار
خشم نماري به و خشم نجي نفركه
نغيب لا قلت الهيبه و قل الوقار
و نبين لامن غدا للصافنات دبكه
ننزل على القوم عيله بأم خمس القصار
وان طاولونا ندوس حماهم و نهتكه
لاحك عرقوبها عرقوبها ام الحوار
ننزل على الشيخ و من المنزل ندككه
نقبل بهيبات يام مقصرين العمار
الشيخ ابو جوخ نهدر دمه و نسفكه
و ان حاولتنا الجموع و شب فالضلع نار
نزود النار نار ان دارت المعركه
تقدمو يا المره متعبين المهار
شعر ما يخدم بني عمي ما فيه بركه
هقواتكم في السما و بيوتكم في قرار
ان كان للطيب ملك افعولكم مملكه