史上最難頂的尖子talk…..
你同意林作的作風和表達方式嗎？
大家都知道好多媽媽都鍾意搵我研究吓佢哋家中嘅尖子，從培育、教養甚至是做人處事態度無所不談。雖然我收費不平，但係家長們都好熱衷向我請教……
其中一個就係林作媽媽，從以前不停咁講唔知點樣為個仔追番個10 A女朋友、跟住講不喜歡個仔依家女朋友(現在佢聲稱接受現實)到最近不停狂爆佢個仔做MV男主角嘅訊息……
Day 1開始我已經同佢講，個仔咁大個，唔使搵我….我真係搞唔掂，更何況我真係頂佢個仔唔順，較早前在林作俾人炒嘅當刻，我在鏡頭前坦言表示覺得佢把口唔收有啲乞人憎，而佢亦好老實地承認鍾意在小事上挑機人哋……
條片出街之後，久唔久都有人走埋嚟同我講話多謝我「「教訓」」林作，亦有網民認為成件事係假嘅-
我可以同大家講，我根本唔係以一個老師嘅角度去教訓學生，我只係表現出我不滿意佢嘅行為，所以教訓就談不上了……我嘅平淡係基於我唔係佢阿媽，我冇必要因為佢嘅做人處事態度而動氣，因為佢而出皺紋唔係咁值得囉……
喺晚宴入面等緊嘢食，咁佢媽媽喺身邊見到個仔做明星應該有啲開心，係咁叫我同佢傾偈…..我只係想問吓佢嘅做明星感受……點知原來真正嘅笑點係佢自己喺拍MV之前係唔知道成個效果係咁嘅！
香港真係變得好犀利，變到我已經有啲唔係太明白……
--
林作媽媽，講真嘅，你個仔都係由你自己教返啦，我啲時間都係愛嚟培育其他尖子好啲……
#林作 #史上最難頂的尖子