සසර දුක් දුරු කර උතුම් නිවන් සුව සාක්ෂාත් කරගැනීම පිණිස සකල ලෝකවාසී සත්වයා උදෙසා අපරිමිත මහා කරුණාවකින් අප බුදුපියාණන් වහන්සේ හතලිස් පස් වසරක් දහම් දෙසූ සේක. එකී උතුම් සද්ධර්මය මහරහතන් වහන්සේලාත්, භාණක හිමිපාණන් වහන්සේලාත් කටපාඩමින් රැගෙනවිත් අනතුරුව ධර්ම සංගායනා මෙන්ම ත්‍රිපිටක ග්‍රන්ථාරූඩ කිරීම් මගින් වර්ථමානය දක්වාම පවත්වාගෙන එන්නට යෙදුනි. ධර්මයේ චිරස්ථිතිය පිණිස ක්‍රියාකල මහසගරුවන ඇතුලු සියල්ලන්ටම මාගේ නමස්කාරය වේවා. වර්ථමානයේ වැඩසිටින මහසගරුවන එකී උතුම් ශ්‍රී සද්ධර්මය මහජනයාට දේශනාකරමින් ධර්මඥානයෙන් ජනතාව සුපෝෂිත කිරීමට ඉමහත් දායකත්වයක් දක්වයි. මාගේ මෙම වෑයම මූල්‍ය ඉපැයීමක් බලාපොරොත්තුවෙන් තොරව එකී සද්කාර්යය සඳහා දායකත්වයක් සැපයීම පමණක්ම වේ. මෙම ධර්මදේශනාවන්හී සම්පූර්ණ හිමිකම එකී ධර්මදේශනා සිදුකරන හිමිවරුනට අයත් වේ. වහා චතුරාර්ය සත්‍යය අවබෝධය පිණිස මේ ධර්මය ඔබ සියල්ලන්ටම හේතු වාසනා වේවා.
ඔබ සැමට තෙරුවන් සරණයි.