सुनागुठी जात्रा २०८१
नेपाल सम्बत ११४४ चौलाथ्व त्रयोदशी (२०८१ बैशाख ९ गते) आइतबार बिहान १० बजे तिर योसि (लिङ्गो) उठाएर जात्रा शुरु हुन्छ र ने.स. ११४४ चौलाथ्व पुर्णिमा (२०८१ बैशाख ११ गते) मंगलवारको दिन बेलुका योसि (लिङ्गो) ढालेर जात्रा सकिन्छ । यो बीचमा दोस्रो दिन २०८१ बैशाख १० गते सोमवार बिहान पख बालकुमारी, गणेश, महादेव र कुमार देवताहरुलाई जात्रा गर्न खत सजाउने काम हुन्छ । खत सजाई सकेपछी दिउँसो खतमा देवता राखी पुजाको कार्यक्रम हुन्छ । अनि बेलुका ८ बजे तिर बालकुमारी देवतालाई खत जात्रा गरेर बालकुमारी मन्दिर भएको चौर (खेले) मा लग्छ । बालकुमारी मन्दिर पुगेपछी खतको बालकुमारी देवतालाई निकालेर मन्दिरमा राखेर मध्ये रातमा पुजा गरिन्छ । तेस्रो दिन २०८१ बैशाख ११ गते मंगलवार राती २ बजे बालकुमारी देवतालाई खतमा राखेर चौरबाट खत जात्रा गरेर ल्याउने काम हुन्छ र बीचमा खत जुटाउने काम हुन्छ । खत जुटाउने भनेको बालकुमारी खतलाई बीचमा राखेर गणेश, महादेव र कुमारको खतले ३ पटक घुम्ने गरिन्छ । यसरी खत जुटाई सकेपछी विश्राम गरिन्छ । अनि बिहानको समयमा पुजा गर्ने गरिन्छ । दिउँसो ३ बजे तिर फेरि खत जात्रा शुरु हुन्छ । शुरुमा गणेश, बालकुमारी, महादेव र पछाडी कुमारको खत राखी जात्रा बेलुका ६ बजेको आसपासमा सकिन्छ र देवता खतबाट निकालेर लग्ने काम हुन्छ । जात्राको अन्तमा योसि (लिङ्गो) ढाल्नको लागि तयारी हुन्छ । यो काम राती १० बजेको आसपासमा गरिन्छ । यो जात्रामा लिङ्गो ढाल्ने बेला फल टिप्ने चलन छ । किम्बदन्ती अनुसार लिङ्गोको टुप्पोमा राखेको फल प्राप्त गर्न सक्यो भने छोरा पाउने कथन छ । त्यसैले सबैले फल टिप्न प्रयास गरिन्छ । यसरी तीन दिनको सुनागुठी जात्रा सम्पन्न गरिन्छ ।
Balkumari Jatra, Sunakothi #visitnepal2040 #Naresh #traveller #travel #tourvlog #viralvideo #sunakothi #balkumari #mahadev #ganesh #kumar