වසර 15කට වැඩි කාලයක් මහනුවර ජාතික මූලික අධ්‍යන ආයතනය මඟින් කැපවී කරන ලද පර්යේෂණ වල ප්‍රතිඵලයක් ලෙස සොයාගන්නා ලද පේටන්ට් බලපත්‍රලාභී බයෝෆිල්ම් ජෛව පොහොර පරිසර හිතකාමී, 100% ස්වභාවික, කාබනික සහතික ලත්, නිෂ්පාදනයක් වන අතර එය 100% දේශීයව ලබාගන්නා අමුද්‍රව්‍ය මඟින් නිෂ්පාදනය කෙරේ.
බයෝෆිල්ම් ජෛව පොහොර 'ලෝකයට පළමු' වතාවට හඳුන්වාදී ඇති තාක්ෂණයක් වන අතර කෘෂිකර්ම දෙපාර්තමේන්තුවේ වී වගාවට නිර්දේශ කර ඇති එකම ජෛව පොහොර විශේෂයද වේ. මෙරට කෘෂිකර්මාන්තය තිරසර හා පරිසර හිතකාමී පද්ධතියක් ලෙස ප්‍රවර්ධනය කිරීම සඳහා රජයේ සැලසුම්ගත ගමන් මාර්ගයේ එක් පියවරක් ලෙස 2022/23 මහ කන්නයේ වී වගාව සඳහා පොහොර යෙදවුම් වලින් 30% ක් දක්වා පරිසර හිතකාමී පොහොර භාවිතය ප්‍රවර්ධනයට "පරිසර හිතකාමී පොහොර ව්‍යාපෘතිය" 2022/23 මහ කන්නය තුල දිවයින පුරා ක්‍රියාත්මක වුණි.
ඒ අතරින් දිවයින පුරා දිස්ත්‍රික්ක 5ක කුඹුරු අක්කර 280,000 ක් පමණ බයොෆිල්ම් ජෛව පොහොර භාවිතයෙන් සාර්ථකව වී වගාව සිදුකර ඇත.