#AddisuWayimaOfficial #SUBSCRIBE
SUBSCRIBETO OUR YOU TUBE CHANNEL
TO GET NOTIFICATIIONS OF NEW POSTS
Singer Addisu Wayima
Music Gemechis Bulti
Maal Jedhu,
Maal egaa maal jedhu, nadhiiga, nanboo’a, nan iyya caraane,
Maal egaa maal jedhu, sijalaa hindhokanne arfiin nawaraane.
Maal egaa maal jedhu, eessatti baqadhu miixuu dhalootakoo..
Maal egaa maal jedhu waanan gurraa hinqabnen argekaa barakoo.
1.Dhukkubanii himachuun akka yakka ta’ee
Miindeffamanii sobuunis erga buddeen ta’ee
Walii-itti galtemoo karaakee hin dabarre
Naanoo hundumatu dhibee Siin maaltu dhibaree...
Naabot dhaalasaarraa gaafa ajjeefamu,
Gabaa dukkanaatti haqni daldalamu
Dhaloonni abdii kutee beekaan qalbii dhabu,
Harkikee diriire sun nurraa ol-haqabu.
Siin maaltu dhibaree..
Caba Sabakootii,
Diigumsa badiisaa
Harkakeen abdadha,
Isatu cabsee fayyisa,; Siin maaltu dhibare.
Siin maaltu dhibaree..
Beenyaa wagga dhibbaa,
Joora marsaa kumaa
Haqa abboota kootii
Nuuf maraaci gumaa; Siin maaltu dhibaree.
2.Haqni godaaneera michootasaa faana,
Dhaloonni harca’ee akka baala bonaa.
Kun maaf ta’e jedhees kan gaafatu hinjiru;
Ilbiisa funaanu tikseen garaa hiru.
Gaagurree gabbataa gaagurtuun abdatu,
Alaan yandoo baachaa keessatti damma baatu.
Ilmoon namaa maaliif garaansaa manca’e
Waan uumameef dhiisee haqaan diina ta’e?
Siin maaltu dhibaree,
ilaal Obsa fixachiisaa
Daba daangaa darbe
Ulfina namummaa
Toora uumamaa cabe; Siin maaltu dhibare
Siin maaltu dhibaree,
Addunyaa maallaqaa,
Dhaloonni ganame;
Dudhaa hoboof coora
Itti wal’aalame, Siin maaltu dhibaree
3. Ol-adeemaa jigu, anagafa cal’isu
Haadha hiyyeessaa boossu, hayyuu murtii dabsu
Harka harkumasaatiin miillasa naaffisu
Dhiiga, dhiiga yakkee foon foonsaa salphisu..
Bara warqeen kufee, supheen gabaa qabu,
Meetiin barbaadamu fi barbaadaan wal-dhabu
Hojjetaan beela’ee, hattuun quufee gubu
Ijakoonan arge daba haqa reebu...
Siin maaltu dhibaree...
Hinhafu gadaankoo jeeqamaa
Akkan of-abaaretti
Waaqayyo humnakoo
Kooluun gala sitti, Siinmaaltu dhibaree
Siin maaltu dhibaree ...
Tuuta kakuu eegu
Imimmaansaa hamargu
Qe’ee abdii jaarraa
Diigame karakaraa, nuuf ijaarta haaraa...
Warri har’a beela’an bor in quufu
Kanneen miidhamanis bor in kolfu
Waaqayyo hin geeddarta bara hamtuu
Gadi qabdee tulloota of tuultuu
Aduu birmadummaa finiinsitee
Gurmuu cunqurfamaas ililchiiftee
Ol ol jedhu warri boquun cabe
Gooftaa si miti nama kan nu sobe.
©Addisu Wayima Official Copyright