حق موجود
عرض آھي ته هي چينل صوفياڻي، علمي، ادبي ۽ موسيقي جي رهاڻ لاء رٿيو ويو آھي۔ چينل جو نالو سائين ھادي بخش ڦل عرف هادي لعل جي نالي تي رکيو ويو آهي۔ پاڻ صوفي منش انسان ۽ درگاھ جهوڪ شريف جا طالب آھن۔ سندن والد صاحب نظر علي فقير پڻ صوفي بزرگ ۽ شاعر هيا۔ پاڻ پيشي جي لحاظ سان استاد آھن۔ ان سان گڏ علم، ادب ۽ موسيقي جا پارکو ۽ محقق پڻ آھن۔ سندن مطالعو ۽ تحقيق وسيع آھي۔ ڳوٺ ٽالپروڏا ضلع خيرپور سنڌ ۾ سندن مئخاني (ستاري منزل) تي صوفياڻيون، علمي، ادبي ۽ صوفي موسيقي جون محفلون ۽ ڪچھريون قائم رهنديون آهن، جن ۾ سنڌ توڙي پوري پاڪستان مان مشھور شخصيتون يعني صوفي، شاعر، اديب موسيقار ۽ فنڪار ڪهي اچن ٿا۔ هن چينل تي اهڙين محفلن ۽ گڏجاڻين جي رڪارڊنگ کي وڊيو جي صورت ۾ ناظرين سان شيئر ڪيو ويندو بلڪه ممڪن طور انهن محفلن ۾ کين لائيو شامل به ڪيو ويندو۔ ان سان گڏ انهن ميدانن سان جڙيل شخصيتن جا انٽرويو، تحقيقي گفتگو، تاريخي ماڳن، صوفي بزرگن جي زندگي ۽ درگاهن بابت ڄاڻ تي مشتمل وڊيوز پڻ اپلوڊ ڪيا ويندا۔ اميد آهي ته نماڻي ڪوشش قبول پوندي۔ اوهان جي همت افزائي، تجويزن ۽ قيمتي ڪمينٽس جو انتظار رهندو.
(چينل ايڊمن)