CJ ( Citizen Journalism ) လူထုသတင်းပညာဆိုတာဟာ သတင်းထောက်တွေ မရောက်ရှိနိုင်တဲ့ ဒေသတွေက သတင်းအချက်အလက်တွေကို အရပ်သားတွေကိုယ်တိုင်က သတင်းအဖြစ် ရိုက်ကူးတင်ဆက်ပြီး မှတ်တမ်းတင်ဖော်ပြပေးတာကို ဆိုလိုတာပါ။ လူတိုင်းဟာ ဒီသတင်းအတတ်ပညာကိုအသုံးပြုပြီး မိမိတို့ပေးပို့လိုတဲ့ သတင်းအချက်အလက်တွေကို လူထုဆီရောက်အောင် ပေးပို့လို့ရနိုင်ပါတယ်။
အဲဒီ့အပြင်လည်း စစ်တပ်ရဲ့ မတရားပြုကျင့်မှုတွေအတွက် နိုင်ငံတကာခုံရုံးတွေမှာ တရားစွဲဆိုနိုင်စေဖို့ သက်သေတင်သွင်းတဲ့ နေရာတွေမှာလည်း ဒီ လူထုသတင်းပညာကိုအသုံးပြုထားတဲ့ သတင်းမှတ်တမ်းတွေဟာ အသုံးဝင်လာမှာဖြစ်ပါတယ်။
ဒီအတွက် Citizen Journalism အတတ်ပညာနဲ့ပတ်သက်တဲ့ လွယ်ကူရိုးရှင်းတဲ့ နည်းပညာတွေကို Artists’ shelter ကနေ ဗီဒီယိုသင်ခန်းစာတွေအဖြစ် စီစဥ်ဖန်တီးထားပါတယ်။ ဒီဗီယိုရှင်းလင်းချက်တွေကို တစ်ဆင့်ချင်းဆီ လိုက်ပါကြည့်ရှုပြီး မိမိတို့ကိုယ််တိုင် Citizen Journalist လူထုအခြေပြုသတင်းသမား တစ်ယောက်အဖြစ် လူထုလှုပ်ရှားမှုကြီးအတွင်းမှာ ပါဝင်နိုင်ကြပါတယ်။
ဒီဗီဒီယိုဖိုင်တွေကိုကြည့်ရှုပြီး မိမိတို့ကိုယ်တိုင်လည်း လွယ်ကူစွာလေ့လာနိုင်သလို တခြားသောလက်လှမ်းမီရာ လူမှုအဖွဲ့အစည်းများ၊ လူသူအရောက်အပေါက်နည်းသော ဒေသများကိုလည်း ပြန်လည်ပေးပို့ဖြန့်ဝေပေးနိုင်ပါတယ်။
တကယ်လို့ စစ်တပ်ရဲ့မတရားပြုကျင့်မှုတွေအတွက် နိုင်ငံတကာခုံရုံးတွေမှာ သက်သေအဖြစ် တင်သွင်းနိုင်စေဖို့ ကိုယ်တိုင်ရိုက်ကူးထားတဲ့ သတင်းမှတ်တမ်းတွေကို ပေးပို့ချင်တယ်ဆိုရင်လည်း ဒီဗီဒီယိုရဲ့အဆုံးပိုင်းမှာ ပေးပို့နိုင်မယ့် နေရာတွေကိုဖော်ပြပေးထားပါတယ်။
#CitizenJournalism #ArtistsShelter #PaingPhyoeThu #AungMyintMyat