வயநாடு நிலச்சரிவில் பாதிக்கப்பட்ட மக்களுக்காக சின்னமனூர் ராயல்பேக்கரியில் நிதியளிப்பு மொய்விருந்து
ஏராளமானோர் மொய்விருந்துநிகழ்ச்சியில் கலந்துகொண்டு வயநாட்டில் பாதிக்கப்பட்டமக்களுக்காக தங்களது பங்களிப்பை செலுத்தினர்.
தேனி மாவட்டம் சின்னமனூர் ராயல்பேக்கரி சார்பாக ஏற்பாடுசெய்யப்பட்டிருந்த வயநாட்டில் பாதிக்கப்பட்டமக்களுக்கு நிதியளிப்பு மொய்விருந்து நிகழ்ச்சியை சின்னமனூர் நகர்மன்றதலைவர் அய்யம்மாள்ராமு துவக்கி வைத்தார்.
நகர்மன்றத் துணைத் தலைவர் முத்துக்குமார் நகர்மன்ற உறுப்பினர்கள், வட்டார உணவுபாதுகாப்புத்துறைஅதிகாரி சுரேஷ்கண்ணன், நகர் வர்த்தக சங்க நிர்வாகிகள் , ரோட்டரிசங்கத்தினர் உட்பட முக்கிய பிரமுகர்களும் பல்வேறு பகுதியைச் சேர்ந்த பொதுமக்களும் குடும்பத்துடன் மொய்விருந்து நிகழ்ச்சியில் கலந்து கொண்டு வயநாடு மக்களுக்கான நிதியளிப்பு உண்டியலில் தங்களது பணத்தை செலுத்தினர்.
ராயல்பேக்கரியில் விற்பனையான அனைத்து பொருட்களுக்கான விற்பனை விலை பணமாக நிதிஅளிப்பு உண்டியலில் பெறப்பட்டும் , அது அல்லாது மக்கள் தாங்களாகவே முன்வந்து அளித்த நிதியும் வயநாடு நிலச்சரிவில் பாதிப்புக்கு உள்ளான மக்களுக்கு போய் சேரும் வண்ணம் ஏற்பாடு செய்யப்பட்டிருந்த இந்த நிகழ்ச்சியில் அனைவரும் ஆர்வத்துடன் கலந்து கொண்டனர்.