စိတ်ချမ်းသာမှကိုယ်ကျမ္မာမည် တရားတော် (ပါမောက္ခချုပ်ဆရာတော်)
ဒီဘဝ ဒီခန္ဓာကိုယ်ကြီးဟာ
အသက်အရွယ်ကြီးလာတော့
ကောင်းတော့တာမှမဟုတ်တာ။
လောကလူတွေ အသက်ကြီးလာရင်
ကိုယ့်ဘာသာကိုယ်တွက်ကြည့်။
မျက်စိမကောင်း၊နားမကောင်း၊ဒူးကနာ၊နှလုံး ကျောက်ကပ်ကလည်းမကောင်း
ကောင်းတာတွေ တစ္ခုမွကို မရှိတော့ဘူး။
သွေးတိုးရှိလို့ ဝက်သားနဲ့မတည့်ဘူး။ဆီးချို
ရှိလို့ သကြားနဲ့မတည့်ဘူး။
ဒါတွေဟာ သံဝေဂဖြစ်စရာတွေပါ။
ကျန်တာတွေမတည့်တော့ဘူးဆိုရင်
ကိုယ်တည့်ရမှာကတော့ တရားဓမ္မနဲ့တည့်
အောင်နေရမယ်။မျက်စိတွေ၊ကျောက်ကပ်တွေ၊ နား၊နှလုံး၊အသည်းတွေ မကောင်းချင်နေပါစေ။
စိတ်ကလေးကောင်းနေဖို့လိုတယ်၊
ဒီစိတ်ကလေးကောင်းနေအောင် ဘုရားပေါ်
မှာနှစ်နှစ်ကာကာ ယုံကြည်တဲ့သဒ္ဓါတရား
လေးကောင်းနေဖို့လိုတယ်။
ဒီသဒ္ဓါတရားလေးကောင်းနေလို့ရှိရင် ကျန်တာတွေကပစ်ထားခဲ့ရမှာပဲ၊
ကောင်းလည်း ပစ်ရတာပဲ။
မကောင်းလည်း ပစ်ရတာပဲ၊၊
အသက်ကြီးသည်၊ငယ်သည်မရွေးပါဘူး။
ကိုယ္သတိထားရမွာက အကောင်းဆုံး
ဖြစ်အောင်လုပ်ဖို့ဆိုတာ ကိုယ့်ရဲ့စိတ်ဓာတ်ပဲ၊
မြတ်စွာဘုရား ဂုဏ်တော်တွေနဲ့ ထုံမွှမ်းပြီး
နေထားတဲ့စိတ်ဟာ ဘယ်တော့မှအောက်ကို
မရောက်သွားဘူး။
မဟာနာမ်မင်းကြီးကို မြတ်စွာ
ဘုရားက သုတ္တန်တစ်ခုမှာ"မဟာနာမ်....မပူနဲ့၊
သီလနဲ့ထုံမွှမ်းထားတဲ့စိတ်၊ပညာစွမ်းအားတွေနဲ့ ထုံမွှမ်းထားတဲ့စိတ်ဟာ ဘယ်တော့မှအောက်ကိုကျမသွားဘူး။
ထောပတ်အိုးကြီးကိုရေထဲမှာခွဲလိုက်မယ်ဆိုရင်၊
အိုးကွဲတွေကအောက်ကျသွားတယ်။
ထောပတ်တွေကတော့ အပေါ်တက်လာမယ်။
ဆီအိုးကြီးကိုခွဲလိုက်မယ်ဆိုရင်လည်း အိုးကွဲတွေကအောက်ကိုရောက်သွား
ပေမဲ့ဆီကတော့ရေပေါ်တက်လာမှာပဲ၊၊
ဒီအတိုင်းပဲ၊ဘုရားကြည်ညိုစိတ်သာ
ရှိနေပါစေ။အပေါ်တက်လာမှာပဲ၊
ဘာမှပူစရာမလိုပါဘူး "
ဓမ္မအပေါ်မှာလည်းနှစ်နှစ်ကာကာယုံကြည်မှုရှိပါ။
ဘုရားတရားတော်တွေရဲ့ဂုဏ်ရည်ကိုယုံကြည်တဲ့
သဒ္ဓါတရားဟာ
စိတ်ဓာတ်တွေကိုဖြူစင်သန့်ရှင်းနေပါလိမ့်မယ်။
(ပါမောက္ခချုပ်ဆရာတော် ဒေါက်တာအရှင်နန္ဒမာလာဘိဝံသ)
🙏🙏🙏
တရားတော်ရဲ့အပြည့်စုံကိုအောက်ပါ Link မှာနာယူနိုင်ပါတယ်။
th-cam.com/video/DIgQ08rc7Dg/w-d-xo.html