الشمري لا ميل عقاله ومال 🔥
كلمات : سيف بن غصنه
حان الوعد والله لا اسوق من الجزال
وارسم من الشعر الحقيقي واجزله
شاعر وبدعي ما يجيب من الهزال
واعدل اللي غيرنا ما عدله
ابومهنا احتزم اخو العيال
والله ما همل صاحبي ما همله
انت سفير الطيب في وسط الشمال
وانا حزامك في الليال المقبله
وانا معك في كل حل وكل حال
وانت حزامي وانت راعي لوله
يابو مهنا وانت شيال الثقال
مكمله يابو مهنا مكمله
والشمري لا ميل عقاله ومال
راسه عن شموخ الوفا ما ميله
هنا المواقف والبطوله والرجال
عنوانها شمر شموخ ومرجله
وصمخ المواقف ما تبي شبه احتمال
تبغالها روس تشوش مصمله
واللي مثل مشعل ينومس في الحلال
يستاهل الناموس وانتم من هله
يسوق صفر كنها شموخ الجبال
لا طبت الميدان صدق مجمله
الراهيه في العظم والغرب طوال
والروس ضخمه والسبال محوله
قدامها مشعل ومشعل راس مال
يجمّل العزوه وربي جمله
معلقينن شمر فيها الامال
ما ضيعت هقواتهم الممله
ناموسكم مابه شكوك ولا جدال
ورث لكم من طيبكم ومسجله
ياشمر الوقفه تبي نطلة عقال
و هذا عقالي والله اني لاانطله