Нашақорлық - әлемді алаңдатып отырған өзекті мәселенің бірі. Есірткі заттарына тәуелді болған бір адамның зауалы бүкіл отбасына, қоршаған ортасына теріс әсер етеді. Жас ұрпақтың салауатты өмір сүруге көзқарасын қалыптастыру, оларды денсаулығын сақтауға бағыттау мақсатында Ғ.Мұратбаев атындағы Жетісай гуманитарлық-техникалық колледжі және Мақтарал АПБ қызметкерлері “Нашақорлыққа жол жоқ” тақырыбында аудандық форум ұйымдастырды. Іс-шара барысында Қ.Жандарбеков атындағы драма театры әртістері дайындаған тақырыпқа байланысты қойылым көрсетілді.