असोज ०६
टिकापुर । कैलालीको टिकापुरमा बिश्व नदी दिवसको अवसरमा ``सबैका लागी पानी´´ भन्ने बिषयमा आइतबार होटेल सिधर्थमा अन्तर विद्यालय चित्रकला प्रतियोगिता सम्पन्न भएको छ ।
प्रतियोगितामा कर्णाली नदी तटीय क्षेत्र वरपरका टिकापुर, राजापुर नगरपालिका तथा जानकी, जोशीपुर गाउँपालिकाका ११ वटा विद्यालयका ३६ जना विद्यार्थी सहभागी थिए ।
कक्षा ८ देखि १० कक्षासम्मका छात्रछात्राले प्रतियोगितामा भाग लिएका थिए । हाम्रो प्रण, कर्णाली नदीको संरक्षण भन्ने मुल भाव रहेको उक्त प्रतियोगितामा ``सबैका लागी पानी ´´ बिषयमा विद्यार्थीले चित्रकला कोरेका थिए ।
डल्फिन संरक्षण केन्द्र, सोनाहा विकास समाज बर्दिया र रेडियन मन्टेश्वरी बिद्यालय RME को आयोजनामा चित्रकला प्रतियोगिता भएको हो । कर्णाली नदी क्षेत्रमा डल्फिन तथा ओत संरक्षणका लागि नदीमा आश्रित समुदायको जिविकोपार्जन तथा सवलीकरण परियोजना अन्तर्गत समुदायस्तरमा विभिन्न जनचेतनामुलक कार्यक्रम सञ्चालन हुँदै आएको छ ।
उक्त परियोजना बेलायत सरकार अन्तर्गत डार्विन इनिसियटिभको सहयोगमा सन् २०२३ देखि सञ्चालनमा रहेको कार्यक्रम सहायक आशिष कपालीले बताउनुभयो ।
प्रतियोगितामा रेडियन्ट मन्टेश्वरी बिद्यालय टिकापुरका रितु रावल प्रथम, शिशिर मल्ल ताम्राकार दोस्रो, खड्ग माध्यमिक विद्यालयका छात्रा दिम्पल बडायक तेस्रो, चौथो स्थानमा प्रकृति थापामगर र पाँचौ स्थानमा सुमन चौधरीको चित्रकला छनौट भएको छ ।
प्रतियोगिताको निर्णायकमा कलाकार रमेश कडायत, चराविद तथा DCC का कोषाध्याक्ष हिरुलाल डंगौरा, प्राणीशास्त्री प्राध्यापक लक्ष्मण उपाध्याय, सोनाहा विकास समाजका प्रतिनिधि रोबीन चौधरी रहनु भएको थियो । प्रतियोगितामा प्रथम, द्वितीय, तृतीय र सान्त्वना स्थानमा आउन सफल प्रतियोगिलाई प्रमुख अतिथि टिकापुरका नगरप्रमुख रामलाल चौधरीले नगद तथा प्रमाणपत्र प्रदान गर्नुभयो । त्यसै गरि प्रतियोगितामा सहभागी सम्पुर्ण बिध्यर्थीहरुलाई सोनहा बिकास समाजका अध्यक्ष तथा कार्यक्रमका सभापति शान्ति सोनहाले प्रमाण पत्र प्रदान गर्नुभएको थियो ।
विश्व नदी दिवसको अवसरमा आयोजना प्रतियोगिताको बारेमा रमे स्कूलका शिक्षक लक्ष्मण उपाध्यायले यसो भन्नु भयो।
त्यसै गरी निर्णायक चित्रकार बिज्ञ रमेश कडायतले चित्रकलाको उद्देश्य स्पष्ट पार्नुभयो।
चरा बिज्ञ एबम् डल्फिन संरक्षण केन्द्रका कोषाध्यक्ष समेत रहेका हिरु लाल डगौरा ले विश्व नदी दिवसको अवसरमा अन्तर विध्यालय चित्रकला प्रतियोगितामा कर्णाली नदीलाई कसरी संरक्षण गर्न सकिन्छ भन्ने विषयमा चित्र द्वारा बयान गर्ने उद्देश्यले आयोजना गरिएको वताउनु भयो।
कार्यक्रममा नदीको महत्व बुझाउन विद्यालयस्तरबाट सचेतनाका लागि प्रतियोगिता आयोजना गरिएको डल्फिन संरक्षण केन्द्रका सचिव विजयराज श्रेष्ठले बताउनुभयो । नदीको महत्व सबैलाई बुझाउन बिद्यार्थीको चित्रकलामा भावना चित्रण भएको जनाइएको छ ।
@Ankhwari @highlight #ankhwari #news #worldriversday #karnali #dolfin #otter