【高歌堂食】The Bottle & Steak $258 任食安格斯牛扒 +$88 仲任飲一櫃手工啤!!
慢煮料理無得輸 啤酒款式多到你唔信!
想同三五知己嚟個 Chill 嘅晚上，要食得飽之餘價錢要合理？我哋今次推介依間西營盤嘅扒房 "The Bottle & Steak" ，位於第一街轉角位，輕工業風格裝修，主打牛扒 / 慢煮料理，仲有一整櫃嘅特色手工啤任你揀，話晒你知每款嘅甜 / 酸 / 苦 / 辣度，啱晒依啲三心兩意嘅我!
今次我哋4人行，Kyle 首選推薦前菜 "黑松露芝士大啡菇" ，煮法雖然簡單，但味道配合得啱啱好，夠Juicy；另外我會推薦 "三重芝士中東包"，外脆內軟，芝士味超濃呀!
主菜嘅話，"頂級澳洲M5西冷" 本身就係正常水準之作，令我哋驚喜嘅反而係慢煮菜式， "48小時慢煮豬手" 皮脆肉嫩； "12小時慢煮香草烤澳洲羊後膝" ，有羊嘅香味但唔會好騷，肉質鮮嫩多汁；所有主食都會配不同配菜，份量都唔細架。
另外，唔少得甜品環節，兩款甜品 "西班牙油條配雪糕" 及 "朱古力布朗尼配雪糕"，兩款各有特色！我哋明明好飽，但係都忍唔住要每人一份!
餐廳最近仲推出咗 HK$258 任食牛排 / 前菜 / 小食套餐，+HK$88 仲任飲手工啤紅白酒！最重要係不論散叫或者揀任食套餐都係無加一收費!
各位食肉獸睇完我哋條片就出動喇!
The Bottle & Steak
地址: 西營盤第一街5號 (港鐵西營盤站 B1 出口，步行約3分鐘)
電話: +852 62924152
*餐廳優惠會隨時更新，詳細請向餐廳查詢
#thebottleandsteak #晚市 #任食 #西營盤 #午市 #牛扒 #食好西