منہ آئی بات نہ رہندی اے
جھوٹ آکھاں تے کجھ بچدا اے
سچ آکھاں بھانبڑ مچدا اے
جی دوہاں توں گلاں جچدا اے
جچ جچ کے جیبھا کہندی اے
منہ آئی بات نہ رہندی اے
Moonh aaee baat na rehndee ey
Jhooth aakhaan bhaanbar machda ey
Sach aakhaan bhaanbar machda ey
Jee doohaan gallaan ton jachda ey
Jach jach ke jeebhaa kehndee ey
Words, which rise up to the lips, can not be suppressed.
جس پایا بھید قلندر دا
راہ کھوجیا اپنے اندر دا
اوہ واسی ہے سُکھ مندر دا
جتھے چڑھدی ہے نہ لہندی اے
منہ آئی بات نہ رہندی اے
Jis paayaa bheyt Qalander da
Raah khojeyaa apney ander da
O waasee hey sukh mandar da
Jithey chardhee hey na lehndee ey
Moonh aaee baat na rehndee ey
اک لازم بات ادب دی اے
سانوں بات ملومی سب دی اے
ہر ہر وچ صورت رب دی اے
کتے ظاہر کتے چھپ بہندی اے
منہ آئی بات نہ رہندی اے
Ik laazam baat adab dee ey
Saanoon baat maloomee sabh dee ey
Har har wich soorat rabb dee ey
Kitey zaahir kitey chupp behndi ey
Moonh aaee baat na rehndee ey
ایہ تلکن بازی ویہڑا اے
تھم تھم کے ٹرو انہیرا اے
وڑ اندر ویکھو کیہڑا اے
کیوں خلقت باہر ڈھونڈیندی اے
منہ آئی بات نہ رہندی اے
Eyh tilkan baazee veyhraa ey
Tham tham ke turo anheyraa ey
War andar weykho keyhraa ey
Kiyoon khalqat baahir dhondeyndee ey
Moonh aaee baat na rehndee ey
ایتھے لیکھا پاؤں پسارا اے
ایہدا وکھرا بھیت نیارا اے
اک صورت دا چمکارا اے
جیوں چنگ دارو وچ پیندی اے
منہ آئی بات نہ رہندی اے
Eythey leykhaa paaon pasaaraa ey
Eyhdaa wakhraa bheyt niyaaraa ey
Ik soorat da chamkara ey
Jiyoon chang daaroo wich peyndee ey
Moonh aaee baat na rehndee ey
بلھا شوہ اساں تھیں وکھ نئیں
بن شوہ دے دوجا ککھ نئیں
پر ویکھن والی اکھ نئیں
تائیں جان جدائیاں سہندی اے
منہ آئی بات نہ رہندی اے
Bullah! Shoh asaan theen wakh naheen
Bin Shoh theen doojaa kakh naheen
Par weykhaan wali akh naheen
Taaheen jaan judaayaan sehndee ey
Moonh aaee baat na rehndee ey
(Baba Bulleh Shah)
Love yourself and spread love ❤️
youtube.com/@fakhrashah378?si=DSgIsb5Gkvmewkow