*బండి సంజయ్ కు ఆర్ఎంపీల మద్దతు*
*సంజయ్ కే మా ఓటు అంటూ మున్నూరుకాపుల ఏకగ్రీవ తీర్మానం*
*నేను మీరు తయారు చేసిన లీడర్ ను*
*కరీంనగర్ పార్లమెంట్ అభివ్రుద్ధి కోసం రూ.12 వేల కోట్లు తెచ్చిన*
*ప్రజల పక్షాన అలుపెరగని పోరాటం చేస్తున్నా…*
*కాంగ్రెస్, బీఆర్ఎస్ అభ్యర్థులు రూ.వందల కోట్లతో ఓట్లు కొనాలనుకుంటున్నరు*
*నేను మీకోసం వందల కేసులు పెట్టినా భయపడకుండా పోరాడిన*
*భారీ మెజారిటీతో గెలిపించాలని కోరిన బండి సంజయ్*
బీజేపీ జాతీయ ప్రధాన కార్యదర్శి, కరీంనగర్ అభ్యర్ధి బండి సంజయ్ కుమార్ కు నియోజకవర్గ పరిధిలోని గ్రామాల్లో పనిచేసే ఆర్ఎంపీలు, పీఎంపీ వైద్యులంతా ఈరోజు మద్దతు ప్రకటించారు. కరీంనగర్ లోని రాజశ్రీ గార్డెన్ లో జరిగిన గ్రామీణ ప్రాంత వైద్యుల ఆత్మీయ సమావేశంలో ఈ మేరకు బండి సంజయ్ కు మద్దతు తెలిపారు. ప్రజల పక్షాన పనిచేస్తూ కరీంనగర్ పార్లమెంట్ నియోజకవర్గ అభివ్రుద్ధికి పాటుపడటంతోపాటు ప్రజా సమస్యలపై అనేక పోరాటాలు చేస్తున్న బండి సంజయ్ ను గెలిపించాలని కోరారు. మరోవైపు కరీంనగర్ పరిధిలోని మున్నూరు కాపు సంఘం బండి సంజయ్ కు మద్దతు ప్రకటించింది. ఈరోజు కరీంనగర్ కాపువాడలో నిర్వహించిన మున్నూరు కాపు సంఘం నాయకుల ఆత్మీయ సమావేశంలో ఈ నిర్ణయం తీసుకున్నారు. కరీంనగర్ పార్లమెంట్ పరిధిలోని 7 నియోజకవర్గాలకు చెందిన మున్నూరు కాపు ఓటర్లంతా బండి సంజయ్ కే ఓటేయాలని పిలుపునిస్తూ ఈ మేరకు ఏకగ్రీవ తీర్మానం చేశారు. మున్నూరు కాపు సంఘం అధ్యక్ష ప్రధాన కార్యదర్శులు బొమ్మరాతి రామచంద్రం, ఆకుల యాదయ్య, తిరుమణి రాజేశం, కళ్యాణపు ఆగయ్య, గుగ్గిళ్లపు రమేశ్, దుగ్గు మహేందర్ రాకేశ్ తదితరులు ఈ మేరకు ప్రకటన విడుదల చేశారు.
బొమ్మరాతి రామచంద్రం, ఆగయ్య, యాదయ్య మాట్లాడుతూ బండి సంజయ్ పక్కా లోకల్ అని, కరీంనగర్ అభివ్రుద్ధి కోసం చిత్తశుద్ధితో పనిచేస్తున్నారని అభినందించారు. కాపువాడలో పుట్టి పెరిగిన బిడ్డ బండి సంజయ్ ను బంపర్ మెజారిటీతో గెలిపించుకునేలా ఇంటింటికీ ప్రచారం చేస్తామన్నారు. కాంగ్రెస్, బీఆర్ఎస్ అభ్యర్థులు వలస వాదులని, వారికి ఓట్లేయడంవల్ల ఉపయోగం లేదని స్పష్టం చేశారు. కరీంనగర్ గురించి పట్టించుకోని వలసవాద అభ్యర్థులకు ఎందుకు ఓటేయాలని ప్రశ్నించింది.
తొలుత మున్నూరు కాపు సమావేశంలో బండి సంజయ్ మాట్లాడుతూ కాపు సోదరులందరికీ ధన్యవాదాలు తెలిపారు. ‘‘నేను ఇక్కడే పుట్టి పెరిగిన మీ బిడ్డను. కరీంనగర్ పార్లమెంట్ నియోజకవర్గ ప్రజలే మీరే నా ధైర్యం. మీ అండతోనే కేసీఆర్ పై పోరాడి గద్దె దించిన. మీ ప్రోత్సహంతోనే కాంగ్రెస్ మోసాలను ఎండగడుతున్నా. మీరు వేసిన ఓటుతో కరీంనగర్ విలువ పెంచిన.’’అని పేర్కొన్నారు. కరీంనగర్ లో తనను నేరుగా ఎదుర్కోలేని కాంగ్రెస్ నేతలు బీఆర్ఎస్ అభ్యర్థితో కుమ్కక్కై కుట్రలు చేస్తున్నారని మండిపడ్డారు. అందులో భాగంగానే ఫోన్ ట్యాపింగ్ పైసలతో ఇతర పార్టీల కార్పొరేటర్లను, ప్రజాప్రతినిధులను కొనుగోలు చేస్తున్నారని దుయ్యబట్టారు. ఫోన్ ట్యాపింగ్ పైసలతోనే వందల కోట్లు ఖర్చు పెట్టి ఓట్లను కొనుగోలు చేసేందుకు తెగబడుతున్నారని వ్యాఖ్యానించారు.
అనంతరం ఆర్ఎంపీల ఆత్మీయ సమావేశంలో బండి సంజయ్ మాట్లాడుతూ తనకు మద్దతిచ్చిన గ్రామీణ వైద్యులందరికీ ధన్యవాదాలు తెలిపారు. ‘‘కోవిడ్ టైంలో గ్రామాల్లో ప్రజల ప్రాణాలు కాపాడిన వాళ్లు ఆర్ఎంపీ, పీఎంపీ వైద్యులే. పేదలకు భరించగలిగే డబ్బుతోనే చికిత్స చేయగలిగే డాక్టర్లు మీరే. గ్రామాల్లో ఆరోగ్యకరమైన వాతావరణం ఉందంటే ఆర్ఎంపీ, పీఎంపీలే కారణం. గ్రామాల్లో ఆర్ఎంపీలు లేని సమాజాన్ని మనం ఊహించుకోలేం.’’అని కొనియాడారు. ‘‘ప్రజల కోసం పనిచేసే నాయకుడి పక్షాన ప్రచారం చేయాలని కోరుతున్నా. ప్రజల పక్షాన పోరాటాలు చేస్తూ అభివ్రుద్ది కోసం పాటుపడే అభ్యర్ధిని గెలిపించాలని కోరుతున్నా. అందుకోసం మీరంతా ఐక్యంగా ఉంటూ కరీంనగర్ నుండి పోటీ చేస్తున్న ముగ్గురు అభ్యర్థులను బేరీజు వేసి మెరుగైన సమాజం కోసం పాటుపడే నాయకుడిని గెలిపించేందుకు క్రుషి చేయాలని విజ్ఝప్తి చేస్తున్నా. ఆర్ఎంపీలకు ఏ సమస్య వచ్చినా అండగా ఉంటూ ఆదుకోవడానికి నేను సిద్దంగా ఉన్నా.’’ అని తెలిపారు.
‘‘నేను రూ.12 వేల కోట్లు తెచ్చిన. కానీ ఏం చేశావని మళ్లీ ప్రశ్నిస్తున్నారు. నేను చేసిన పనులను వాళ్లు చేసినట్లు చెప్పుకున్నారు.. కరీంనగర్ నుండి వరంగల్ రోడ్డు విస్తరణ పనులకు రూ.2 వేల కోట్లకుపైగా నిధులు నేను తీసుకొచ్చిన. ఎల్కతుర్తి నుండి సిద్దిపేట వరకు వందల కోట్ల నిధులు నేనే తెచ్చిన. సేతు బంధన్ పథకం కింద రూ.154 కోట్ల నిధులు నేను తీసుకొచ్చిన. కానీ సిగ్గు లేకుండా మేమే తెచ్చినట్లు బీఆర్ఎసోళ్లు కొబ్బరికాయ కొట్టుకున్నరు. సీఆర్ఐఎఫ్ స్కీం కింద గ్రామాల మధ్య కనెక్టివిటీ రోడ్ల నిర్మాణం కోసం వందల కోట్లు నేనే తెచ్చిన. అయినా నామీద పోటీ చేసి డిపాజిట్లు కోల్పోయినా నాయకుడు ఇంకా సిగ్గు లేకుండా నయాపైసా నిధులు తేలేదంటూ నామీద మాట్లాడుతున్నడు.’’అంటూ బీఆర్ఎస్ అభ్యర్ధి వినోద్ కుమార్ ను ఉద్దేశించి వ్యాఖ్యానించారు.
‘‘మీరు ఎంపీగా నన్ను గెలిపించాక రాష్ట్రమంతా తిరిగి ప్రజా సమస్యలపై కొట్లాడిన. ప్రజా సంగ్రామ యాత్ర పేరుతో 1600 కి.మీలు పాదయాత్ర చేసి కష్టాల్లో ఉన్న ప్రజలకు అండగా ఉన్నా… నిరుద్యోగులు, ఉద్యోగులు, విద్యార్థులు, రైతుల పక్షాన ఉద్యమాలు చేసిన. నాపై రాళ్ల దాడి చేసినా, మా కార్యకర్తల తలలు పగలకొట్టినా, నాపై 109 కేసులు పెట్టినా… 2 సార్లు జైలుకు పంపినా భయపడకుండా ప్రజల కోసం నిలబడి కలబడిన. మరి కాంగ్రెస్ నేతలు ఏం చేశారు? ఎన్నడైనా ఉద్యమాలు చేశారా?’’అని ప్రశ్నించారు.