วีดีโอ

Məntiqi cəhətdən neytral müstəvidə X-ın ilahi (və ya müqəddəs) mətn olduğunu sübut etmək qeyri-mümkündür. Aqnostik və ya ateist üçün hər bir X mətnində şübhə və ya mübahisə doğuracaq heç olmazsa bir fikir mövcuddur. Əgər bu qəbildən olan hətta bir fikir mövcuddursa, onda yuxarıda nəzərdə tutulan isbat prosesini tamamlamaq qeyri-mümkündür.

@elmarhussein9300 misal üçün, dini mətndə əvvəlcədən təxmin edilməsi qeyri-mümkün olan bir fakt qeyd edilmişdirsə (bu tarixi fakt da ola bilər, elmi fakt da), bu zaman həmin mətnin ilahi mətn olduğu sübuta yetməz?

Neyroelmdə zehinin şüur ilə şüuraltı səviyyələrinin nisbətinə dair məlumatım yoxdur. Bildiyim qədəri ilə neyroelmdə ümumiyyətlə, "şüuraltı" ("sub/unconsciousness") anlayışı tətbiq edilmir və ya bu anlayış Freydin psixoanalitik təlimindəkindən fərqli məzmun kəsb edir. Məsələn, müasir Amerikan koqnitiv psixoloqu John Kihlstrom "koqnitiv şüuraltı" anlayışından bəhs edir ki, burada da beyindəki informasiyanın (datanın) yaddaşın hansı hissəsində (ing. "Explicit memory", "İmplicit Memory", "Working Memory") toplanması diqqət mərkəzindədir. Bu mənada Amerikan psixologiya məktəbi insan davranışını iki müstəvidə analiz edir: (1) nəzarət edilən davranış ("controlled behavior"); (2) avtomatik davranış. Birinci qəbildən olan davranışda insanın azad iradəsi təzahür edir, yəni davranış insandan asılıdır; amma ikinci qəbildən olan davranış bunun tam əksidir. Onların nisbətinin təyin edilməsi ilə bağlı Harvard universitetinin professoru olmuş Daniel Wegner tərəfindən aparılmış tədqiqatlar müasir dövrdə azad iradə mövzusundakı debatların məzmununa güclü təsir göstərib. Onun tərəfindən həyata keçirilmiş eksperimentlər nəzarət altında olan davranışlar ilə avtomatik davranışlar arasındakı nisbəti müvafiq olaraq 3% ilə 97% göstərir. Mən orta statistik insana nəzərən bu nisbətin doğru olduğuna inanıram. Yalnız xüsusi meditativ təcrübənin toplanılması, eyni zamanda qida sistemindən başlamış həyat tərzinin tədricən şüurlu seçim əsasında kontrol altına alınması yolu ilə bu nisbətin əhəmiyyətli şəkildə birincinin xeyrinə dəyişdirməyin mümkün olduğunu qəbul edirəm.

@@elmarhussein9300 Zəhmətolmasa izah edərdiniz davranış deyərəkən yalnız fiziki hərəkət yoxsa düşünmədə davranış sayılır?

Davranış yalnız fiziki hərəkəti nəzərdə tutur. Düşünmə mental proseslər kateqoriyasına aiddir.

İzlədiyiniz üçün mən təşəkkür edirəm. Düzdür, mürəkkəb və çoxtərəfli tədqiqat sahəsidir. Ona görə də müqayisəli şəkildə fəlsəfə və elmin bir neçə istiqamətini araşdırmaq zərurəti yaranır.

Dinlədiyiniz üçün mən təşəkkür edirəm. Mətnin səsləndirilməsində Clipchamp-dan istifadə edirəm.

Təşəkkür edirəm.

@@elmarhussein9300 Biz sizinlə əməkdaşliq etmək isdiyərdik.

Təklif üçün təşəkkür edirəm. Amma təəssüf ki, imtina etməli olacam, çünki çalışdığım formal təhsil sektorunda gündəlik işlərimiz çox olduğundan əlavə sahələrdə də fəaliyyət göstərmək üçün zamanımız az qalır.

Məncə, bu qədər önyarğılı olmayın. Mövzu kriminologiya, kriminal psixologiya və digər elm sahələrində xüsusi tədqiqat mövzusudur. Əgər onu ingilis dilində internetdə axtarışa versəniz, onlarla elmi məqalə, monoqrafiya, tədqiqat işlərinin adlarına rast gələ bilərsiniz.

Diqqətlə dinlədiyiniz üçün təşəkkür edirəm. Düzü, mən linqvistik deyiləm, amma internetdə qısa araşdırma apararkən yazıçı İlyas Əfəndiyevin də əsərlərinin birində məhz "imza atmaq" söz birləşməsindən istifadə etdiyinə dair məlumata rast gəldim. Aşağıdakı cümləni internetdə axtarışa verərək siz də tanış ola bilərsiniz: "Elmar kağıza imza ataraq, Laləyə verir."

Mən Fuad müəllimi yaxın zamanlarda tanımışam, amma tanıdığım müəllimlər arasında daim analizlər edərək yeni biliklər qazanmağa və bu bilikləri hamı ilə paylaşmağa olduqca həvəsli olan azsaylı insanlardan biridir.

İzləyib dəyərləndirdiyiniz üçün təşəkkür edirəm.

İzlədiyiniz üçün təşəkkür edirəm.

Bu video Süni İntellekt (Sİ) proqramı tərəfindən avtomatik tərcümə edilmişdir. Bu qəbildən olan proqramlarda təəssüf ki, Azərbaycan dilinə tərcümə imkanları mövcud deyildir. Ona görə də xarici dildə olan elmi məzmunlu videoların bizim dildə səslənməsi üçün ya Sİ proqramlarının Azərbaycan dilini də dəstəkləməsinə nail olmaq lazımdır, ya da videolar professional şəkildə dublyaj edilməlidir.

@elmarhussein9300 sünyi intelekt yox idi biz aciz idik?? Dünyada 5millət var ki, həm ədəbi ədəbiyyat həmdə akademik dili var. Onlardan 1i bizik. Ancaq azərbaycanca bilən alimlərimiz var. Yaziçilarimiz isə 1000illərdir yazib pozur. Bu vidyonu poz. Milləti zəhərləmə. Türkiyədə 1erməni nazir onlarin dilin məhv etdi. Ermənilərin tələsinə düşməyimiz az mi oldu. Bəs etmədi.

@elmarhussein9300 öz səsinlə vidyonu düzəlt

​@@elmarhussein9300 qapali CCCP də. Shixlinski shaxdaxdinski kimi ailələri məhv etdilər. İnsan ailədən, qilə isə nəsildən formalaşir. Millət var böyük mədəniyyəti var amma sahib çixacaq ziyali fərdlər yoxdu.

İzlədiyiniz üçün mən təşəkkür edirəm.

Fuad müəllim bildiyim qədəri ilə Rusiyada təhsil alıb. Bu isə onun nitqində müəyyən qədər hiss edilir. Digər tərəfdən isə elmin digər istiqamətlərində olduğu kimi məntiqdə də bir sıra mühüm anlayışların Azərbaycan dilində qarşılığını tapmaq çətindir, ona görə də onları ingilis dilindən çevirəndə zəruri olaraq müəyyən çətinliklər yaranır. Amma məncə, Fuad müəllimin nitqini bütövlükdə rahat başa düşmək olur, yəni sırf nitq ilə bağlı ciddi mürəkkəbliyin mövcud olduğunu düşünmürəm.

Izlədiyiniz üçün təşəkkür edirəm.

İzlədiyiniz üçün təşəkkür edirəm.

Təşəkkürlər Elmar müəllim

İzlədiyiniz üçün mən təşəkkür edirəm.

İzlədiyiniz üçün təşəkkür edirəm.

My pleasure!

Maraqlanıb dinlədiyiniz üçün təşəkkür edirəm.

"Bütün düşüncələrin kökündə sevgi və nifrət vardır" hipotezinin məzmununu metafizika, din və ya ədəbiyyat müstəvisində müzakirə etmək mümkün ola bilər, amma o, elm fəlsəfəsində qeyri-elmi olduğundan müzakirə üçün qapalıdır. Elm fəlsəfəsi bütün istiqamətlərdə düşüncə üçün yeganə müstəvi deyildir, amma elm fəlsəfəsi ilə məşğul olmazdan öncə onun çərçivəsini dəqiq təyin etmək lazımdır.

Maraqlanıb izlədiyiniz üçün təşəkkür edirəm.

Amma bəzi tələbələr var ki, fənni mənimsəmək üçün yetərli, bəzən hətta yüksək potensiala malik olmasına rəğmən motivasiyası potensialı ilə uzlaşmır: potensialı zəifdir demək olmaz, amma yüksək də deyil. Bu zaman adətən onlarda motivasiyanı tərbiyə edərək yüksəltməyə, potensialı ilə uzlaşdırmaq lazım gəlir.

6 years ago :)

@@elmarhussein9300 знаю знаю. Я училась с ее матерью😊

@@Nurka235 Eva is my niece (a daughter of my brother) 😊

@@elmarhussein9300👍👍👍👍

Elm və bilik cəmiyyətin inkişafını təyin edən başlıca amillərdən biridir. Mən də bu istiqamətdə kiçik də olsa müəyyən töhfə verə bilərəmsə, bu səbəbdən məmnun olaram.

Təşəkkür edirəm. Xoşbəxt və sağlam gələcək bütün uşaqların qisməti olsun.

Bu sualı müxtəlif müstəvilərdə müxtəlif şəkildə cavablandırmaq mümkündür. Amma bu podkastda yalnız bir səbəbi diqqət mərkəzində saxlamışıq: biz fəlsəfəni (fəlsəfi problemləri) əsasən fəlsəfə tarixi kontekstində analiz edirik; məsələn, X problem antik fəlsəfədə, orta əsrlər xristian və ya islam fəlsəfəsində, alman və ya fransız fəlsəfəsində öyrənilir. Halbuki, müasir qərb təhsil sistemi bu problemə konseptual yanaşır: X probleminin məzmununu təyin edən əsas konsept, prinsip və ideyalar, onun həll edilməsini təklif edən məntiqi arqumentlər, arqumentlərin etibarlılığının analiz edilməsi, təkzib edilərək əks arqumentlərin irəli sürülmə imkanlarının yoxlanılması və s.

Salam. Zehindəki məlumatları, dataları istənilən ardıcıllığa düzsək, həmişə doğru nəticə doğurmaya bilər. Başqa sözlə, bir ardıcıllıqda fikir düzgün ifadə edilərək doğru nəticə əldə edilər, digər ardıcıllıqda isə əksinə, qeyri-düzgün ifadə edilərək yalan nəticə doğura bilər. Məntiq isə məhz hansı ardıcıllıqdan istifadə etməli, hansından isə imtina etməli olduğumuzu öyrənir. Amma məlumatların, dataların məzmununun doğru, yoxsa yalan olması əsasən məntiq domenindən kənarda qalır.

Bu mövzuda ayrıca podkast hazırlayaram. Maraqlı mövzudur.

Maraqlanıb izlədiyiniz üçün siz sağ olun!

Hər bir təbii dilin (Azrəbaycan, ingilis və s.) inkişafı müxtəlif amillərdən asılıdır ki, onlarında arasında mühüm olanlardan biri elmi anlayışların formalaşması, fikrin akademik səviyyədə ifadə edilməsidir. Bizim dilin indiki zamanda ciddi problemlərindən biri məhz bu qəbildən olan bir çox anlayışların orada demək olar ki, olmaması ilə bağlıdır. Ona görə də akademik üslubda kitablar yazılan və ya tərcümə edilərkən bir çox hallarda terminoloji çatışmazlıq səbəbindən çıxılmaz vəziyyət yaranır. Nəticə etibarilə müxtəlif müəlliflər məsələn, ingilis dilində mövcud olan eyni anlayışı bizim dildə müxtəlif şəkildə istifadə edirlər. Beləliklə, dildə bir növ terminoloji xaos yaranır. Məncə, problemin daha dərininə gedib bu kimi problemləri diqqət mərkəzinə gətirmək, onları müzakirə predmetinə çevirmək lazımdır. Onlar ilə müqayisədə "ilk öncə", yoxsa "əvvəlcədən" işlətmək çox kiçik məsələlərdir.

@aynurmelikova3885 Bəli, fəlsəfənin əsasən düzgün şəkildə sualların qoyulması ilə bağlı olduğunu hesab edən yanaşmalar da mövcuddur. Bu isə olduqca vacib amildir, çünki düzgün cavab ilk növbədə sualın düzgün qoyulmasını tələb edir. Hətta əgər fəlsəfənin müzakirəyə çıxardığı sualın cavablandırılması qeyri-mümkündürsə, onda sualın özünü dəyişmək lazımdır. Amma istənilən halda fəlsəfə bizim təcrübəmizlə də eyniyyət təşkil edə bilməz, çünki subyektiv təcrübə bilmək üçün kifayət etmir. Biliyin formalaşması üçün o, əsaslandırılmalıdır. Məhz bu nöqtədə məntiq fəlsəfi sualların cavablandırılması sahəsinə daxil olur.

@elmirmansumov4888 Bəli, elm fəlsəfəsində 'elm' fenomeninin izah edilməsinə dair bir neçə yanaşma mövcuddur ki, onlardan biri olan paradiqma konseptinə görə elm alimlərin hər hansı problemin izahına dair əldə edilmiş konsensus nəticəsində meydana çıxır; konsensus ən ümumi konsepti-paradiqmanı müəyyənləşdirir, indiviual elmi tədqiqatlar isə bu paradiqma çərçivəsində həyata keçirilir.

İngilis dilində səhv etmirəmsə, 'substance' və 'matter' konseptləri mövcuddur. Burada 'maddə' ola bilsin ki, yuxarıdakı əvvəlinci konseptin qarşılığı kimi qəbul edilə bilər.

Bəli, bildiyim qədəri ilə anası yəhudi olub.

Əsas diqqət mərkəzində olan məsələ qeyri-səlis məntiq ilə klassik məntiqin müqayisəli analizi və buradan çıxan nəticələrin elmə, məsələn, fizikaya tətbiqi idi.

Salam. Təşəkkür edirəm. Razıyam, amma ola bilsin ki, bu, həm də bir çox iştirakçıların ilk onlayn konfransda iştirak təcrübəsi ilə bağlı idi.

Dəyərləndirmə üçün təşəkkür edirəm. Gələcəkdə bütövlükdə bəşəriyyətin intellektual və mənəvi cəhətdən indikindən köklü dərəcədə fərqli yeni inkişaf mərhələsinə qədəm qoyacağına ümid edirəm. Bu istiqamətdə səmimi olaraq atılan hər bir addım şübhəsiz ki, qiymətlidir.

Aynur xanım, illuziya ilə reallığın sərhədlərinin təyin edilməsi insan idrakının imkanları xaricindədir, ona görə də elm və texnologiyanın istənilən inkişaf səviyyəsi burada dəqiqlik yarada bilməz. Epistemologiyada bu, ciddi skeptisizmə yol açır. Məsələn, "çəlləkdəki beyin" ("brain in a vat") fikir eksperimentinə görə hətta yalnız insanın beyini mövcud olarsa və bu beyinin sinir ucları superkomputerə bağlı olub oradan input siqnallar qəbul edərsə, onda prinsipcə insan superkomputer vasitəsilə simulyasiya altında olduğunun fərqində ola bilməz. Başqa sözlə, simulyasiyada formalaşdırılan illuziya insan idrakı tərəfindən reallıq kimi qavranıla bilər. Bu kontekstdə bəli, illuziyadan tamamilə qopmaq prinsipcə mümkün deyildir. Amma insan tərəfindən intuitiv olaraq reallıq kimi qavranılan bir fenomen mövcuddur; ola bilsin ki, bu intuisiya yuxarıda qeyd etdiyimiz səbəblərdən əslində yanlış mənzərə formalaşdırır, amma əksəriyyət üçün bu mövcuddur və demək olar ki, skeptik şübhə predmeti deyildir. Amma bu, intuitiv reallıq insana yaşamaq üçün müəyyən səbəblərdən diskomfort yaradır. Bəzi insanlar bu diskomfortdan qaçmaq üçün məqsədli şəkildə bu reallıqdan imtina edərək onlar üçün komfort yaradan ideya, prinsip və konseptlərdən ibarət illuziya formalaşdırırlar. İnsan məqsədli şəkildə özü tərəfindən yaradılmış olan illuziyaya qapılır və oradakı komfort zonasını tərk etmir. Mən podkastda əslində bu konteksti nəzərdə tutmuşdum.

@@elmarhussein9300 anladım sizi, və razıyam. Reallığın, həqiqətin axtarışı xoşbəxtlik gətirmir, lakin bilərəkdən əlavə bir illüziyaya qapanaraq özünə komfort zonası yaradan insan, inanmıram ki, həqiqətən xoşbəxt ola bilər, üstəlik bu psixoloji pozuntular və nevrozlarla da nəticələnə bilər.

@@aynurmelikova3885 Bildiyim qədəri ilə bu, elmdə koqnitiv illuziya adlanır və ya onunla sıx bağlıdır. Koqnitiv illuziyanın isə insanın mental rifah və psixoloji adaptasiyasına müəyyən pozitiv təsirləri mövcud olsa da, uzunmüddətli perspektivdə ciddi neqativ effektlər yaratması da mümkündür.

@@cefer444 Təşəkkür edirəm, dəyərli dostum! Var ol!

Təşəkkür edirəm, əziz dostum. Var ol!

Salam. Sizin qeyd etdiyiniz videonu izləməmişəm. Amma declarative knowledge (deklarativ bilik) ilə propozisional bilik demək olar ki, eyni şeydir. "Propozisional bilik" anlayışına daxil olan "propozisiya" məntiqdə deklarativ cümlə ilə ifadə edilir. Procedural knowledge (prosedural bilik) isə mənim podkastda qeyd etdiyim sonuncu bilik növü (how to knowledge) ilə eyniyyət təşkil edir. Amma nəzərdən keçirdiyimiz bu kontekstdə konseptual biliyin bölgünün içərisinə necə daxil olmasına dair məlumatlı deyiləm; ola bilsin ki, fərqli fəlsəfi məktəblərin yanaşmasında olan fərqli kontekstlərdə bu mümkündür, amma mən hələ tanış deyiləm.

Egey dənizinin sahilində kiçik amma tarixi şəhərdir. Orada təqribən 2 həftə olmaq şansım olduğundan 70-80% ərazini piyada gəzdim, tarixi erkən orta əsrlərə gedib çıxan və şəhərin içəri ən qədim məhəllərinin yaxınlığında yerləşən monastr və kilsələrə kimi ziyarət etdim. Yaşamaq və işləmək icazəm olsaydı heç olmazsa bir müddət orada məskunlaşardım.

Maraqlanıb izlədiyiniz, dəyərləndirdiyiniz üçün təşəkkür edirəm.

Maraqlanıb izlədiyiniz üçün təşəkkür edirəm. Bəli, tamamilə razıyam ki, bizim dildə təəssüf ki, elmi-fəlsəfi sahədə terminoloji qarışıqlıq mövcuddur. Bunun aradan qaldırılması üçün bizim dildə müxtəlif mövzularda, o cümlədən zehin fəlsəfəsi mövzusunda akademik kitabların yazılması zərurəti vardır. Amma şəxsi təcrübəmdən deyə bilərəm ki, bunun ən asan tərəfi belə bir kitabın yazılmasıdır, ən çətin tərəfi isə kitabın nəşr xərclərini qarşılamaqdır. Oxucu auditoriyasının olduqca kiçik olması isə sərf edilən zaman, enerji və iqtisadi resursları heç olmazsa qismən olsa da təmin etmir. Ona görə də bizdə sizin qeyd etdiyiniz çətinliklərin aradan qalxması prosesi ləng edir. Amma sizin sualların cavabladırılması, ən azından əsas açar anlayışların məzmununun aydınlaşdırılması, eləcə də onların ingilis dilində olan qarşılığının tapılması üçün video-mühazirə hazırlayaraq kanalda yerləşdirərəm.

Sizin sualınızı buradan cavablandırım. Hər bir insanın mərkəzi sinir sistemi (baş beyin + onurğa beyni) təqribən 100 milyard neyrondan (xüsusi tip hüceyrədən) ibarətdir. Hər bir neyronun mərkəzi hissəsi (nüvəsi və s.), informasiya ötürdüyü kanal (akson) və informasiya qəbul etdiyi kanalları (dentritlər) mövcuddur. Hər bir neyron 5 min (bəzi mənbələr hətta 10 min yazırlar) digər neyron ilə informasiya mübadiləsinə girə bilər; hər informasiya kommunikasiyası üçün iki neyron arasında xüsusi sahə (sinaps) açılır və dərhal sonra qapanır. Fiziki anlamda əslində neyronlararası siqnalların mübadiləsi baş verir ki, hər bir siqnal da özündə müəyyən informasiyanı daşıyır və deməli, hər bir neyron informasiya tutumludur. Bu mənada beyin bir növ komputerin hardware hissəsinin funksiyalarını icra edir, amma müqayisədə dəfələrlə mürəkkəb bir fiziki sistemdir. Neyronlarası informasiya mübadiləsi fasiləsiz davam edir, çünki beyinin bəzi pay mərkəzləri və ya tərkib hissələri daimi və ya müvəqqəti olaraq faəliyyətini dayandıra bilər, amma bütövlükdə beyin daim fəaliyyətdədir, bizim daxili orqanlarımızın və davranışımızın kontrol mərkəzidir. Olduqca mürəkkəb alqoritm üzrə informasiya mübadiləsi insan beynində informasiya şəbəkəsini formalaşdırır ki, biz bunu zehin adlandırırıq. Bu mənada zehin komputerin software hissəsinin funksiyasını icra edir. Burada yaddaş zehinin tərkibinə daxil olan yalnız bir elementdir; yaddaşdan başqa bura şüur, qavrayış, təfəkkür, mühakimə və s. daxildir. İnsan onun zehnində (ing.Mind) toplanmış olan və aktiv şəkildə cərəyan edən informasiyaların yalnız bir hissəsinin mövcudluğunun fərqindədir (ing. Awareness). Fərqindəlik insanda şüur (ing.Consciousness) vəziyyətini formalaşdırır. İnsanın fərqində ola bilmədiyi (ing. Unawareness) hissə isə qeyri-şüur (ing. Unconsciousness) vəziyyətini formalaşdırır. Qeyd edilən terminoloji mürəkkəblik hətta ingilis dilində olan ədəbiyyatlarda da mövcuddur, amma mənim oxuduqlarım nəticəsində gəldiyim qənaət olduqca sadələşdirilmiş şəkildə belədir. Ümumiyyətlə, mövzu olduqca geniş və bir sıra istiqamətlərdə interpretasiyalara və növbəti kəşflərə açıq olduğundan mənim qeyd etdiklərimin alternativ variant və izahları şübhəsiz ki, mövcuddur.

Thank you! I'm glad you found it thought provoking.

Maraqlanıb dinlədiyiniz üçün mən təşəkkür edirəm.

Salam, Aynur xanım. Maraqlandığınıb dinlədiyiniz üçün təşəkkür edirəm. Bəli, bütün insanlar reallığı özlərinin koqnitiv matrisləri ("qəlibləri") çərçivəsində qavrayırlar, dərk edirlər, onun məzmununa dair nəticə çıxarırlar və s. Burada mən sizin "şüur" anlayışı altında nəzərdə tutduğunuzu məzmunu"koqnitiv matris" analyışına köçürürəm. Orta statistik insanın koqnitiv matrisi məhduddur, əsasən siyasi ideologiyaların, mədəniyyətlərin, dinlərin, müxtəlif elmi konseptlərin reallığa vermiş olduğu mənalarla çərçivələnir. Bu mənada xüsusi məqsəd olaraq koqnitiv matrisi genişləndirmədikcə, insanın zehini həmin mənalar ilə çərçivələnmiş olan "illuziya" qəfəsinə məhkum edilmiş olur. Koqnitiv matrisin genişlənməsi bəli, insanı boşluğun içərisinə gətirib çxarır, hər şey bir növ yenidən mənalandırmağa vadar edir, cavablardan çox suallar formalaşdırır, insanı bir növ həm də tənhalaşdırır. Amma insanın zehini bu şəkildə başqaları üçün müyəssər olanları anlayıb fərqində olandan sonra o, həqiqi anlamda bütün məhdudiyyətlərdən azad olur və yüksəlmiş olan reallıq dünyasında hüzur tapır. Bu mənada koqnitiv matrisin genişlənməsi insana ola bilsin ki, xoşbəxtlik deyil, yalnız həqiqəti anlaya bilməyi vəd edir (Remember, Neo. All I'm offering is the truth. Nothing more/ The Matrix).

​@@elmarhussein9300 həmişəki kimi maraqlı və geniş cavabınız üçün təşəkkür edirəm. Bəli, xoşbəxtlik deyil, bəlkə hüzur və həqiqət. Bununla belə, şərq mistik praktikalarda verilən bir konsepsiya ilə razıyam, - "aydinlanmadan sonra bazara qayıt". İlluziyani dərk etməyərək ,onun bir hissəsi olaraq yaşamaqla onu dərk edərək, tərkib hissəsi olmadan yaşamaq ,məncə, fərqlidir.

@aynurmelikova3885 Maraqlandığınız üçün mən təşəkkür edirəm. Şübhəsiz ki, aydınlanmadan sonra həyata dair baxış və qavrayış dəyişir, yeni məzmun kəsb edir. Amma bu fikrin məzmunu bir az qaranlıq qaldı: "Aydınlanmadan sonra bazara qayıt!". Burada "bazar" nəyi ifadə edir?

Ruhu şad olsun. Zaman irəlilədikcə dəyəri daha çox duyulur. Təəssüf ki, seminarları, çıxışları video formatda çox az qeydə alınıb, amma əlimizdə olanları sistemləşdirib hissə-hissə paylaşırıq.

Qiymətləndirib dəyər verdiyiniz üçün təşəkkür edirəm.

Bəli. Bu kanalda məntiqə aid indiyə qədər paylaşılan bütün video-mühazirələr əslində adını qeyd etdiyiniz kitabın materialı əsasında hazırlanmışdır. Sadəcə olaraq videoları izləyərkən və kitabı oxuyarkən bir neçə açar anlayışın qarşılığına diqqət yetirmək lazımdır. Məsələn, "mülahizə" - "propozisiya", "mülahizələr məntiqi" - "propozional məntiq" və s. Bütün bu kimi məqamlar videolarda qeyd edilir və ya sual yaranarsa, burada şərh bölməsində cavablandırılır.

@@elmarhussein9300 dəstəyiniz üçün çox sağolun

@@tagiyev.5 Hər bir insan ona ötürülmüş olan biliyi digərlərinə çatdırmalıdır deyə bir əxlaqi prinsipin mövcud olduğuna inanıram. Bu, bir növ hər bir insanın əxlaqi borcudur.