*किल्ले खारेपाटण*
मुंबई गोवा महामार्गावरील खारेपाटण ( मूळ नाव बलिपट्टण ) हे एक महत्वाचे ठिकाण आहे.पूर्वी हे एक मोठे बंदर होते. मोठमोठ्या गलबतांतून माल इथल्या बंदरात उतरवून तो घाटावर रवाना केला जात असे.
शिलाहार राजाने बांधलेला एक किल्लाही येथे आहे. सध्या मात्र एक छोटासा बुरूज,किरकोळ तटबंदी,सूळाचा दगड,अज्ञात वीरांच्या समाध्या आणि उध्वस्त खंदक यापलिकडे किल्ला म्हणून काही शिल्लक नाही.
नाही म्हणायला मूळ छ.शिवाजी महाराजांनी बांधलेलं आणि आता जीर्णोद्धार केलेलं श्री दुर्गादेवीचं मंदिर बघण्यासारखं आहे.
आत्ता पावसाळ्याच्या दिवसात,विशेषतः ऑगस्ट,सप्टेंबर महिन्यात मात्र इथे निसर्ग बहरून आलेला दिसतो. Switzerland लाही मागे काढील अशी हिरवळ आणि डोंगरदऱ्या इथे पहावयास मिळतात.रानफुलेही बहरलेली दिसतात.
मंदिरासमोरील एका उंचवट्यावरून खाली दिसणारी नदी,कालभैरव मंदिर,मुंबई - गोवा हायवे आणि पाठीमागच्या बाजूचे निसर्गसौंदर्य डोळ्यांचे पारणे फेडते.
वेळात वेळ काढून किमान एकदा या ठिकाणाला अवश्य भेट द्याच.