ஸ்ரீ ஆமருவியப்பன் ஆலயம்
ராஜாதி ராஜன்
தேரிழந்தூர்
கிருஷ்ணாரன்ய சேத்திரங்களில் ஒன்றான தலம்.
தேரழுந்தூர்
கபிஸ்தலம்
திருகண்ணங்குடி
திருக்கண்ணபுரம்
திருக்கண்ணமங்கை ஆகியவை
கிருஷ்ணாரன்ய தலங்கள்.
கவிச்சக்ரவர்த்தி கம்பர் பிறந்த ஊர்.
கம்பர் நரசிம்ம அவதாரம் பற்றி இங்கேதான் பாடினார்.
கம்பருக்கும் அவரது மனைவிக்கும் சிலைகளை கோவிலில் நிறுவி இருக்கிறார்கள்.
பசுக்களுக்கு ஆபத்தை ஏற்படுத்திய உபரிசரவசு மன்னருக்கு கோஹத்தி தோஷம் உண்டானது.
உபரிசரவசு ஆயிரம் குடங்கள் வெண்ணையை சமர்ப்பித்து
பிராத்தித்து தோஷம் நீங்கப் பெற்றார்.
இந்த நிகழ்வை கொண்டாடும் வகையில்
தை அம்மாவாசை அன்றும்
புரட்டாசி மாத கடைசி சனிக்கிழமை அன்றும்
பெரிய பெருமாளுக்கு ஆயிரம் குடம் வெண்ணைய்
உற்சம் நடைபெறுகிறது.
கோவிலுக்கு முன்
தரிஷ புஷ்கரிணி
தண்ணீர் இல்லாமல்
காவிரி தண்ணீர் வராமல் காய்ந்து போய்
இருக்கிறது.
கோவில் திருக்குளத்தை ஆழம் செய்கிறேன் என
குறிப்பிட்ட மட்டத்தில் இருந்த களிமண்ணை எடுத்ததால்
எவ்வளவு நீர் விட்டாலும்
நிற்காத குளங்களின் எண்ணிக்கையில் இடம் பிடித்துள்ளது.
தரிஷ புஷ்கரணி கோவிலின் முன்னும்
கஜேந்திர புஷ்கரணி கோவிலின் வட புறத்திலும் அமைந்துள்ளது.
தரிஷம் என்றால் அம்மாவாசை என அர்த்தம்.
அம்மாவாசை அன்று இந்த புஷ்கரணி உருவானதால் தரிஷ புஷ்கரணி என பெயரை பெற்றது.
அகஸ்திய முனிவர் காவிரியை திருமணம் செய்து கொள்ள விரும்பினார்.
காவிரி மறுப்பு தெரிவித்தார்.
காவிரியை இத்தலத்தில் அடைத்து வைத்தார் அகத்தியர்.
காவிரி செல்லும் இடமெல்லாம்
கஷ்டம் நிறைந்து இருக்கட்டும் என சாபம் அளித்தார்.
அகத்தியரின் சாபத்தை போக்க
தேரழுந்தூரில் தவம் இருந்தார் காவிரி.
காவிரியை விடுவித்து சாபத்தை போக்கினார் ஆமருவியப்பன்.
பசுவாக பார்வதி தாயார்..
சிவபெருமானும்
மகாவிஷ்ணுவும்
சொக்கட்டான்
தேரழுந்தூரில் ஆடினர்.
பார்வதி தாயார் நடுவராக இருந்தார்.
அண்ணன் மகாவிஷ்ணு வெற்றி பெற சில தவறுகளை செய்தார்.
சிவபெருமான் கோபம் கொண்டு பசுவாக போ என சாபம் அளித்தார்.
பசுவாக ஆனார் பார்வதி
அவரின் துணைக்காக
லெட்சுமியும்
சரஸ்வதியும்
பசுவாக மாறினர்.
ஸ்ரீ மகாவிஷ்ணு
ஆ மருவிவியப்பனாக மாறி
அவர்களை காத்தார்.
திருமங்கை ஆழ்வாராலும்
மணவாள மாமுனிகளாலும் மங்களாசாசனம் செய்யப்பட்ட தலம்.
திருமங்கை ஆழ்வார் தேரிழந்தூர் வந்த போது
அதோ தெரிகிறதே
அந்த கோவிலின் தெய்வம் யார்? என ஊரில் உள்ளோரிடம் கேட்கிறார்.
தேவாதிராஜன் என்றனர்.
தேவாதிராஜன் இந்திரனின் பெயர் அன்றோ!
இந்திரனின் கோவிலில் நமக்கு வேலை இல்லை என நினைத்து திரும்பினார்.
திருமங்கை மன்னா
நான் கண்ணன்
ஆமருவியப்பனாக இங்கே இருக்கிறேன்.
வா
வந்து பாடு
உனது பாடலை கேட்க ஆவலாக இருக்கிறேன் என்றாராம்.
திருமங்கை ஆழ்வார் 45 பாசுரங்களை பாடி இருக்கிறார்.
பெரிய கோவிலுக்கு எதிரே திருமங்கை ஆழ்வார் தனி சன்னதியில் அருள்பாலிக்கிறார்.
இன்றும் பெருமாளுக்கு நைவேத்தியம் செய்தவுடன்
திருமங்கை ஆழ்வாருக்கு சடாரியோடு பிரசாதத்தை வைத்து பூஜிக்கப்படுகிறது.
திருமங்கை ஆழ்வாரின் அவதார நாளான கார்த்திகை முதல் தேதியன்று பெருமாள் திருமங்கை ஆழ்வாரை சன்னதி வந்து மண்டகப்படி காண்கிறார்.
பக்தபிரகலாதனும்
சன்னதியில் பெருமாளின் அருகே இருக்கிறார்.
நரசிம்ம அவதாரத்தில்
இருந்த பெருமாளை சாந்த சொரூபியாக கண்ணனாக பார்க்க ஆசைகொண்டார் பிரகலாதன்.
அவரது ஆசையை நிறைவேற்றி அருளி தனது அருகிலேயே வைத்துக்கொண்டார்.
உலகிலேயே பிரகலாதன்
பெருமாளின் சன்னதியில் இருப்பது இங்கேதான்.
திருமண தடை நீக்கும் தலம்.
குழந்தை இல்லாதோர்கு குழந்தை பாக்கியம் அருளும் தலம்.