Ang Kalawaan Sur ay dating nasasakupan ng Parokya ng Immaculada Concepcion (na ngayon ay Katedral ng Pasig). Karaniwang ginaganap lamang ang Banal na Misa sa isang multi-purpose hall ng eskwelahan. Taong 1975 ay nakapagtayo ng maliit na kapilya sa bakanteng lupa katabi ng eskwelahan. Dahil sa pangangailangan ng sambayanan ng barangay at dahil na rin sa mungkahi ng mga opisyal ng simbahan, noong ika-26 ng Abril taong 1993 ay nilagdaan ng kanyang Kabunyian Jaime Cardinal L. Sin ang dikreto upang maitatag ang kapilya bilang isang parokya sa ilalim ng patnubay ni Sta. Martha bilang patrona.