ಸಹಕಾರಿ ತತ್ವದ ಅಡಿಯಲ್ಲಿ ರೈತರ ಹಿತಕಾಯಲು ಕಟಿಬದ್ಧವಾಗಿ, ಗ್ರಾಮೀಣ ರೈತರ ಸರ್ವತೋಮುಖ ಅಭಿವೃದ್ಧಿಯ ಧ್ಯೇಯದೊಂದಿಗೆ ಶತಮಾನಗಳನ್ನು ಪೂರೈಸಿಕೊಂಡು ಯಶಸ್ವಿಯಾಗಿ ಮುಂದುವರೆಯುತ್ತಿದೆ. ಕೃಷಿಕರ ಜೀವನ ಮಟ್ಟ ಸುಧಾರಿಸಲು ಅನೇಕ ಮಾದರಿ ಕಾರ್ಯಗಳನ್ನು ಮಾಡುವ ಮೂಲಕ ಟಿ.ಎಸ್.ಎಸ್ ಜನಮನದ ಜೀವನಾಡಿ ಎಂದೆನಿಸಿದೆ.
ಸಹಕಾರಿ ಸಂಸ್ಥೆಯಾಗಿ ರೈತರ ಬೆಳೆಗಳಿಗೆ ಮಾರಾಟ ವ್ಯವಸ್ಥೆ ಕಲ್ಪಿಸಿದ್ದಲ್ಲದೇ ಸ್ವಂತ ಖರೀದಿಯನ್ನೂ ಮಾಡುವ ಮೂಲಕ ಟಿ.ಎಸ್.ಎಸ್ ರೈತರ ಬೆಳೆಗಳಿಗೆ ಉತ್ತಮ ದರ ಸಿಗುವಂತೆ ಮಾಡುತ್ತಿದೆ. ರೈತರ ಬೆಳೆಗೆ ಸಮರ್ಪಕ ಬೆಲೆ ಸಿಗದೇ ಹೋದಾಗ ತಾನೇ ಸ್ವತಃ ಖರೀದಿಸಿ ಪ್ರೋತ್ಸಾಹಿಸಿದ್ದಲ್ಲದೇ ಹೆಚ್ಚಿನ ಮೊತ್ತದ ಟೆಂಡರ್ ಬರೆದು ಬೆಲೆ ಸ್ಥಿರತೆ ಸಾಧಿಸುವಲ್ಲಿಯೂ ಕೊಡುಗೆ ನೀಡಿದೆ.
ಟಿ.ಎಸ್.ಎಸ್. ಸ್ವತಃ ಅಡಿಕೆ ಟೆಂಡರ್ ಬರೆಯತೊಡಗಿದ ನಂತರ, ಟೆಂಡರ್ ಹಾಕಿ ಖರೀದಿಸಿದ ಮಹಸೂಲನ್ನು ಮಾರಲು ಹಲವಾರು ಮಾರುಕಟ್ಟೆ ಕಾರ್ಯತಂತ್ರಗಳನ್ನು ರೂಪಿಸಿ ಯಶಸ್ಸು ಪಡೆಯಿತು. ಇದರ ಪರಿಣಾಮವಾಗಿ ಬಂದ ಲಾಭಾಂಶವನ್ನು ಅಡಿಕೆ ವಿಕ್ರಿ ಮಾಡುವ ರೈತರಿಗೆ ನೀಡಲು ನಿರ್ಧರಿಸಿ ಇತರ ಟೆಂಡರ್ ಬರೆಯುವ್ ವ್ಯಾಪಾರಿಗಳಿಗಿಂತ 500 ರಿಂದ 2000 ರೂಪಾಯಿವರೆಗೆ ಹೆಚ್ಚಿನ ಟೆಂಡರ್ ಬರೆಯ ತೊಡಗಿತು. ಇದರ ಪರಿಣಾಮವಾಗಿ ಸಂಘಡ ಟೆಂಡರ್ ಮತ್ತು ಇತರ ವ್ಯಾಪಾರಿಗಳು ಬರೆದ ಎರಡನೇ ಟೆಂಡರ್ ನಡುವೆ ಬಹಳ ವ್ಯತ್ಯಾಸವಾಗಿ ರೈತರಿಗೆ ಹೆಚ್ಚಿನ ಬೆಲೆ ಸಿಗುವಂತಾಯಿತು. ಹೀಗೆ ಕಳೆದ ಐದು ವರ್ಷದಲ್ಲಿ ಟಿ.ಎಸ್.ಎಸ್. ಖರೀದಿಯಿಂದ ಎರಡನೇ ಟೆಂಡರ್ ನಲ್ಲಾದ ಒಟ್ಟಾರೆ ವ್ಯತ್ಯಾಸವನ್ನು ನೋಡುವುದಾದರೆ.
2018-19 ರಲಿ 428.83 ಲಕ್ಷ ರೂಪಾಯಿ, 2019-20ರಲ್ಲಿ 536.90 ಲಕ್ಷ ರೂಪಾಯಿ, 2020-21ರಲ್ಲಿ 604.73 ಲಕ್ಷ ರೂಪಾಯಿ, 2021-22ರಲ್ಲಿ 777.54 ಲಕ್ಷ ರೂಪಾಯಿ. ಹಾಗೆ 2022-23ರಲ್ಲಿ 452.37 ಲಕ್ಷ ರೂಪಾಯಿಗಳಷ್ಟು ಹಣ ಟಿ.ಎಸ್.ಎಸ್ ಬರೆದ ಟೆಂಡರ್ ಹಾಗು ಎರಡನೇ ಟೆಂಡರ್ ನಡುವೆ ವ್ಯತ್ಯಾಸ ವಾಗಿದೆ. ಅರ್ಥಾತ್ ಕಳೆದ ಐದು ವರ್ಷದಲ್ಲಿ 2800.37ಲಕ್ಷ ರೂಪಾಯಿ ಅಂದರೆ 28.0037 ಕೋಟಿ ರೂಪಾಯಿಗಳಷ್ಟು ರೈತರಿಗೆ ಹೆಚ್ಚಿನ ಲಾಭವಾಗಲು ಕಾರಣವಾಗಿದೆ.