|| मी चालत आहे ||
मी चालत आहे या वाटेवरती
मी चालत राहीन सदा
मी शोधत आहे या वाटेवरती
मी शोधत राहीन तुला || धृ ||
शोधीन निरागस हास्य फुलांत
अन् गंध तुझा शोधीन तयांत
रंग तुझा सांगतील तीच बघ मला ||१||
ठाव तुझा शोधीन या चराचरात
भाव तुझा शोधीन मी मनामनात
गाव तुझा सांगतील द्विज बघ मला ||२||
उब तुझी शोधीन सोनेरी किरणांत
स्नेह तुझा शोधीन शीतल चांदण्यांत
रूप तुझे सांगतील तीच बघ मला ||३||
शोधीन निरामय सौख्य क्षणांत
अन् संग तुझा या ज्ञानपथात
सत्व तुझे दाखविल मार्ग बघ मला ||४||
शोधतांना प्रेम अथांग सागरात
शोधतांना क्षेम हिमगिरीशिखरांत
शोधशील शेवटास तूच बघ मला ||५||