Hambog Ng Sagpro Krew - Alaala Nalang (Lyrics)
🔔 Turn on notifications and stay updated
Like and Subscribe
🎵Song Lyrics
[Intro]
Hambog ng Sagpro Krew
Una sa lahat, gusto ko magpaalam
Lalong-lalo na sa'yo
Dahil kahit saan ako mapunta
Palagi mong hawak ang puso ko
[Verse 1]
Hindi ko ginusto ang ilayo ako sa'yo mahal
Ngunit ito ang desisyon ng tadhana at Maykapal
Alam ko din ako'y magtatagal sa lugar na 'to
Na kung saan wala ka kaya kulang-kulang ako
Hindi lang araw, hindi lang buwan, kung 'di ilang taon
Tayo ay 'di magkikita, makakaya ko ba 'yon?
Sa tingin ko, hindi, hindi ko kaya
Dahil ako'y mamamatay kapag wala ka
Wala ka na dito sa aking tabi kaya 'di na mapigil ang luha
Gusto kitang makapiling, mayakap, mahalikan, 'yun lang 'di ko pa makuha
Dahil ilang kilometro at milya ang ating distansya at ating pagitan
Pangungulila ko sa iyo, 'yan ang resulta ng aking biglaang paglisan
'Di ito madali para sa'yo ngunit mas hindi madali 'to para sa'kin
At alam kong hindi tayo magkakalapit kahit sa isang libong dalangin
Nadadama ang lungkot, at puot, hinagpis, at ang pagkabigo, at pasakit
Ngunit gaano ka man kalayo sa'king puso palagi ka ditong malapit
[Chorus]
Inisip ko kung bakit ganito ang langit
Nilayo ako sa'yo
Hindi ko matanggap, mahirap magpanggap
Na ako'y hindi bigo
Ngunit 'di ko rin inaasahang mangyayari 'to
Kung ikaw ay alaala na lang, paano na ako?
[Verse 2]
Binibilang ang mga araw hanggang sa'king pag-alis
Habang palapit nang palapit, lalo akong nagtitiis
At tinatago ang namumuong lungkot sa'king damdamin
'Di mo lang alam, 'di ko na kaya 'di ko lang maamin
Dahil sabi mo sa akin, masaya ka para sa'kin
'Di mo lang alam, ako'y nalulungkot na para sa'tin
Dahil tayo'y magkakalayo nang walang kalaban-laban
Ang masakit pa doon kung kailan pa tayo nagmamahalan
Nagmahalan tayong dalawa ngunit bakit ito naging plano
Ng kapalarang naging malupit, ako'y inilayo sa'yo ng eroplano
Habang ako'y nasa himpapawid, ako'y nakatingin sa mga alapaap
At iniisip na sa alaala na lang ba kita muling makakayakap
At sa gabi nakatitig sa mga larawan na katabi ko sa'king kama
Nakatingin at tinatanong dito na lamang ba tayo magkakasama
Nasa malayo na ang aking katawang tao at parang pinipilas
Dahil puso ko'y naiwan d'yan sa'yo sa Pilipinas
[Chorus]
Inisip ko kung bakit ganito ang langit
Nilayo ako sa'yo
Hindi ko matanggap, mahirap magpanggap
Na ako'y hindi bigo
Ngunit 'di ko rin inaasahang mangyayari 'to
Kung ikaw ay alaala na lang, paano na ako?
[Verse 3]
Ang pilitin kong limutin na sa buhay ko'y wala siya
Ay parang pilit sinusuot singsing na hindi kasya
Dahil habang pinipilt, mas sumasakit ng todo
Kaya buhay ko ay parang musikang wala sa tono
'Di ba pwede naman, magsama ang nagmamahalan
'Di ba pwede naman, wala na din ang hiwalayan
'Di ba pwede naman sa pag-ibig walang hadlang
At pwede ba siya ay ibalik na lang
Walang matarik na bundok, walang karagatang malalim
Na aking tatawirin, maibalik ka lang sa akin
Dahilan kung ba't nabuhay sa'kin ang pagkasawi
Ay ang pag-ibig nating tamang nasa oras na mali
At sana 'wag mo palitan d'yaan sa puso mo pangalan
Ng lalaki na nagsabi na
"Mahal kita, paalam at mag-ingat ka palagi" noong aalis na siya
At higit sa lahat, "Mamimiss kita"
[Chorus]
Inisip ko kung bakit ganito ang langit
Nilayo ako sa'yo
Hindi ko matanggap, mahirap magpanggap
Na ako'y hindi bigo
Ngunit 'di ko rin inaasahang mangyayari 'to
Kung ikaw ay alaala na lang, paano na ako?
[Verse 4]
Paano na 'ko mamumuhay nito kung sa piling ko ay nawala
Ang nag-iisang minahal ko, makasama ko siya ay isa na lang bang himala
Alam ko na sa oras na 'to ay nakikinig kang pinipigil mo ang pag-iyak
Sige, ilabas mo, 'wag pigilan ang emosyon ng iyong puso na nagkabiyak
Dahil ang alaala nating dalawa ay nag-iwan ng sugat na nakamarka
Sino ba naman ang hindi masasaktan kapag nalayo ang tao na mahal ka
At kung minsan naisip ko din na 'wag nang ituloy itong nagawa ko na kanta
Dahil malamang 'pag narinig ko ito, sigurado na maaalala kita
Pero kahit pilitin umiwas sa sitwasyon natin ay kusang bumabalik ang
Mga nakaraan kaya titulo ng kanta ko ngayon ay "Alaala na lang"
Dahil sa alaala na lang umiikot ang aking isipan na nalilito
At prisensya ng pagmamahal mo sa akin ay dala ko lagi at naririto
Hindi man kita nabigyan ng materyal pero 'di mo alam may iniwan ako
Ito ang isang bagay na 'di maluluma, 'yun ay ang pagmamahal ko sa iyo
Sana pagkaingatan mo 'yan hanggang sa oras na ikaw ay muli kong balikan
Dahil ipinangako, 'di na 'ko iibig sa puso ko 'di ka mapapalitan
[Chorus]
Inisip ko kung bakit ganito ang langit
Nilayo ako sa'yo
Hindi ko matanggap mahirap magpanggap
Na ako'y hindi bigo
Ngunit 'di ko rin inaasahang mangyayari 'to
Kung ikaw ay alaala nalang paano na ako
[Chorus]
Inisip ko kung bakit ganito ang langit
Nilayo ako sa'yo
Hindi ko matanggap mahirap magpanggap
Na ako'y hindi bigo
Ngunit 'di ko rin inaasahang mangyayari 'to
Kung ikaw ay alaala na lang, paano na ako?
#HambogNgSagproKrew #AlaalaNalang #Lyrics