ज्ञानगंगा अभयारण्य भाग १ -
ज्ञानगंगा अभयारण्य हे बुलढाणा जिल्ह्यातील बुलढाणा - खामगाव राज्य मार्गास लागून असलेल्या २०५ चौ. कि. मी. क्षेत्रात पसरले आहे. 9 मे 1997 रोजी या अभयारण्याची स्थापना केली. हे अभयारण्य बुलढाणा शहरापासून २८ किमी. आणि खामगाव शहरापासून २० किमी अंतरावर आहे. हे अभयारण्य महाराष्ट्राच्या मेळघाट व्याघ्र प्रकल्पाचा एक भाग आहे. ‘ज्ञानगंगा’ गंगा नदीची प्रमुख उपनदी येथून वाहते. ‘ज्ञानगंगा’ नदीमुळे यास ज्ञानगंगा अभयारण्य नाव देण्यात आले. या नदीवर माटरगाव या गावाजवळ एक धरण बांधले आहे. या धरणासही ज्ञानगंगा धरण असे नाव दिले आहे. या अभयारण्याच्या क्षेत्रात असलेले बोथा गावाचे जुने वनग्राम आहे. हे बुलढाणा जिल्ह्यातील अभयारण्य खामगाव, मोताळा आणि चिखली या तालुक्यात आहे. नगंगा वन्यजीव अभयारण्य हे विविध प्राणी आणि पक्ष्यांच्या प्रजातींचे नैसर्गिक अधिवास आहे. ज्ञानगंगा वन्यजीव अभयारण्यात मोठ्या प्रमाणात वन्य प्राणी आहेत. बांबूपासून बनविलेल्या आकर्षक कुटी येथे बांधलेल्या आहेत. लहान मुलांसाठी बांधलेले झोके, वनकुटी, टेहळणी मनोरा हे सारे पाहण्यासारखे आहे. वनक्षेत्र हे दक्षिणेकडील उष्ण कटिबंधीय कोरडे पर्णपाती जंगल आहे, येथे प्रामुख्याने सागवान आणि अंजन यांचा समावेश आहे. संरक्षित वनक्षेत्रांमध्ये बिबट, अस्वल, भेकड, नीलगाय, सांबर, चितळ, तडस, रानमांजर यांसारख्यांचा प्राण्यांचा समावेश आहे.
या ठिकाणी राहण्याची सोय असून एसी व नॉन एसी अश्या दोन्ही स्वरुपात रूम उपलब्द आहेत. त्यासाठी खालील वेबसाईट वर जाऊन रु. १५०० ते १८०० या दरात रूम बुक करता येते. याठिकाणी शाकाहारी साधे स्वरूपात जेवणाची व्यवस्था सुद्धा उपलब्ध आहे. तसेच तेथे असलेल्या दुकानातुन विविध कीचैन जाकेट टी शर्ट कप टोपी, विकत घेता येतात.
#leopard #dnyangangaAbbhayaranya #buldhana #wildlife #sanctuary # jungalsafari #animals #safari #buldhananews #tiger #melghat #guide #maharashtraheritage #life_talks #tour #trip
www.magicalmelghat.com