أداء و ألحان و كلمات: محمد جواد
٥ صفر ١٤٤٦ هجري
هيئة محبي الحسين "ع" _بني جمرة
مكساج : حسن مرهون
توزيع: مهدي عليّق
مونتاج : عبدلله البدراني
1446-2024
إشتراككم في القناة دعم لنا للإستمرار …
~~~~~~~~~~~~~~~~~~~
أشتكي غمي وانه كل همي سيدي بس أجيلك
تزحف الوادم وتدري كل خادم عنده هم يعتنيلك
يبو علي عندي غاية اجي مشي بيدي راية
بربعينك
حلمي لك أعتني بغربة يا موطني
ودي بس اوصلك يابوعلي بزيارة
سجلني هالسنة خادم جاي إعتنى
لبيك بوعلي ياسيدي شعاره
سلامي لامامي وهيامي أزحف إلك يغالي
نخيتك ورجيتك يريتك تدعي إلي يوالي
جرحي وش كبره ودمعة الزهرة الحسرة تحرق فؤادي
حلمي لو مره اوصل الحضرة جنة الله إعتقادي
إلي انا الغاية هاية اجي مشي بيدي راية
بربعينك
ياريت يابو الفضل طير وابصحنك اهل
واوقف يم هيبتك واتأمل ابطفوفك
اتخيل خوذتك صارت هي قبتك
واتصوّر ابالي مناراتك جفوفك
معاجز لموسى ابعصاته ايشق البحر وطوفه
ومعاجز بوفاضل لون راد تحيي الميت جفوفه
ريت انا الحين يم ظهر لحسين ابجي وادعي ابضريحه
بوالفضل عباس واعي النوماس كافل اخته الجريحه
مو هالسنة باللي جاية اجي مشي بيدي راية
بربعينك
وحق ام عون اسألك هالشافت مقتلك
زينب اللي اجت تتعثّر ابمشيها
وفقني اوصلك واوقف اتأملك
واستذكر الحوره اللي قاست من سبيها
اميره واسيره وحيره شكير حجم حزنها
الماحد عبر حد تعمّد زجر يضرب متنها
تبقى مستوره زينب الحوره حتى وهيه سبيه
هيبه من حيدر تمشي وسط البر بكل شموخ الابيه
وحق زينب والسباية اجي مشي بيدي راية
بربعينك
دعائي للزائرين يارب العالمين
احفظهم يا الهي وردهم بالسلامه
الزاير كربلاء زاير عرش السماء
يمشي لعرش الله اللي يمشي الإمامه
ملايين محبين مجانين تزحف الى جنانك
ضيوفك بطفوفك ونشوفك غامرهم ابحنانك
اليجي زاير ابموتته باجر سيد الجنة يحضر
وتحضره ابقيره فاطمه الزهره ويحضره الوالي حيدر
والمصطفى هم معايه اجي مشي بيدي راية
بربعينك
محروم امن السفر واتحسّر بالنظر
واشواقي تجرحني وابحالي الله عالم
ادموعي تنهمر بالموقف وافتخر
من كلمة الخادم للخادم آنه خادم
وقفلك يزاير يخدمك وهمّه رضى الزجيّة
تواضع وغيرة وضيافه وكرم جود وحميّه
هوَّ وعياله وبيتهُ وماله للحسين اهمه فدوه
يالتسمعوني اطلب اهدوني من دربكم بس خطوه
خدّام ابكل زوايه اجي مشي بيدي راية
بربعينك
آنه لك أعتذر اذنوبي وشكثر
لاتحرمني أجي ابقلبي حجي وحجيته
إلغيرك مَنطي الوجه وادري وين اتجه
دربك الى التوبة طريقي اللي لقيته
ابذنوبي وعيوبي أجيلك وانظف اذا أشوفك
دعائي ورجائي أصيرن خادم يخدم ضيوفك
الدمعه ابدربك تدخل إلقلبك وادري بيها نجاتي
سيد الجنّة شلون اصد عنه منقذي في مماتي
وابقيري انته الحماية اجي مشي بيدي راية
بربعينك