[ هاي العقيله ]
------------
أداء | سلمان العبدالله
كلمات | ثامر بوجبارة
------------
•مكساج | احمد البرمكي
•مخطوطة | حسين مقيم
•مونتاج | سلمان العبدالله
•تصوير | اللجنه الإعلاميه بموكب الجبيل
•إشراف عام | داوود العبدالله
------------
استشهاد السيدة زينب 1446 هـ - 2025 م
مــوكب_الجبــيل
------------
يهدى ثواب العمل إلى أرواح المؤمنين و المؤمنات
------------
من ينطري الزينب اسم
كل الاسامي تحتشم
هاي العقيله
بين السبايا من مشت
كون الله بالخجله سكت
هاي العقيله
@@@@
زينب اسم لمن يمر ، ابهيبة اهلها ينذكر
احسين وگمر هاشم اذا ، گالوا ( يزينب ) تِبْتشر
دار الزمان ابكربله ، هسه يناديها الشمر
العزوه اذا نفگدت كسر ، طول العمر ما ينجبر
كل خطوه في درب السبي
من الأرض تنبت عبي
هاي العقيله
من يعبر اعليها الهوا
تقرا السماء الـ ( قُل هوَ )
هاي العقيله
@@@@
النفس الرضيّه الراضيه ، رغم الجرى رغم الحزن
تنظر الى روس الرمح ، روس الأخوّه وتطمئن
عافوها اجاسد وبگت ، تحرسها بعيون وجفن
بس من تمر ذكرى الاهل ، من چانوا يمها تنغبن
كل ذكريات اللي مضى
زينب تقابلها ابرضا
هاي العقيله
تسحگ جدمها اعله الجمر
نفس الوكت سحكت شمر
هاي العقيله
@@@
زينب غريبه بس وطن ، ابلا مأوى بس مأوى تظل
زينب سكينه ابكل وضع ، زينب صبرها كالجبل
زينب ستر زينب خدر ، خيمه ومخيمها اشتعل
حظن الامن ابلا امن ، حيث انقتل واهيه اعله تل
شافت نحر دمّه جره
شافت ضلوع امكسره
هاي العقيله
شافت على شط النهر
طاحت چفوف امن الگمر
هاي العقيله
@@
(كد كيدك )الهسه الصدى ، الكل طاغيه يبعث رُعب
ابچف الحسينيّه الرحى ، وچف زينب الحرّه القُطُب
ما ماتت اهداف القدس ، ماخلصت اهناك الحرُب
اشمابعدت آمال العدا ، زينب نصرها يقترُب
صبر اعله ثگل النايبه
اكتاب النصر چفها اكتبه
هاي العقيله
چلمتها هزّت چم قصر
بالكوفه والشام ابصبر
هاي العقيله
@@@@
شامخ اسمها للابد ، منّ ارتبط بيها ارتفع
لاچن يظل كسر الگلب ، لمن على الشاطي وگع
وروح الإباء اتألمت ، من حافر ابصدر انطبع
ماهبطّت راس ابحزن ، راس الرمح ليها خضع
طبّت دواوين وأبد
ماذلّت اربات الأسد
هاي العقيله
شام الأسى شام الألم
رفعت غصب الها علم
هاي العقيله