- حصرياً ظبي الفياح
كلمات : ابراهيم ال عبيه
اداء : مهدي الحارثي
توزيع استديو المشاهير
الكلمات :
يازين مهزاع الجديد
في سهلةٍ ولا براح
ومن الوعر ماهو يحيد
شاصٍ بلوفه ماستراح
عليه قفوا بالفريد
الي خذا قلبي وراح
[ محلى الوصل في الهوى
محلى اجتماع المضانين
يا صاحبي طالبك
لا تاخذ البعد روتين ]
قفوا وخلوني وحيد
واسقوني السم الذحاح
ترى العواذل ماتفيد
ماهي تدور للصلاح
من يوم نوو بالشديد
وانا اونس بكبدي ارماح
[ محلى الوصل في الهوى
محلى اجتماع المضانين
يا صاحبي طالبك
لا تاخذ البعد روتين ]
ترى الليالي يالفريد
دايم مواردها شحاح
دام الغلا حبله جويد
وش خذت من كسر الجناح
عود تراك انت الوحيد
الي له بقلبي مراح
[ محلى الوصل في الهوى
محلى اجتماع المضانين
يا صاحبي طالبك
لا تاخذ البعد روتين ]
الشوق في بالي يزيد
لشوفة العذب القراح
لو المشاعر من حديد
ماصبرت من ظبي الفياح
ردو لي العلم الوكيد
ماعاد في البال انشراح
ياوين غض الثماني
روّح ولا عاد جاني
لايشعف البال ويروح
ماعاد للدار داعي
عقبه هواها صناعي
لايشعف البال ويروح