मण्डनदेउपुर नगरपालिकामा तपाईलाई स्वागत छ l नगर प्रमुख -टोक बहादुर वाइबा, नगर उप प्रमुख विष्णुमणी नेपाल
मण्डनदेउपुर नगरपालिका नेपालको बागमती प्रदेश अन्तर्गत काभ्रेपलाञ्चोक जिल्लामा अवस्थित छ। नेपालको राजधानि काठमाडौंबाट उत्तर-पूर्वमा ५५ कि.मि. दुरीमा रहेको यस नगरपालिकाको क्षेत्रफल ८९ वर्ग कि.मि. रहेको छ। यस नगरपालिका साविक बालुवापाटी देउपुर, गैरीवीसौना देउपुर,नयाँगाउँ देउपुर, महादेवस्थान मण्डन, चण्डेनी मण्डन, जैसीथोक मण्डन र ज्याम्दि मण्डन (१-४ , ६) गा.वि.स गरी सात गा.वि.स मिलेर सम्वत २०७३ साल फागुन २७ गते राजपत्रमा प्रकाशनपछि अस्तित्वमा आएको हो। यस नगरपालिकाको पूर्वमा भम्लु गाउँपालीका,पश्चिममा भक्तपुर र काठमाडौं, उत्तरमा सिन्धुपाल्चोक जिल्ला र दक्षिणमा बनेपा र पाँचखाल नगरपालिका रहेको छ।मध्यम पहाडी हावापानी भएको यस नगरपालिकालाई विभिन्न १२ वटा वडामा विभाजन गरिएको छ । यहाँको कुल जनसंख्या ३०,३८१ रहेको छ जसमा पु्रुष १४,८५३ र महिला १५,५२८ रहेका छन् साथै लैङ्गिक अनुपात ९५.६५ र जनघनत्व ३४१ प्रति वर्ग कि.मी. रहेको छ ।
यस नगरपालिकामा विशेष गरी हिन्दु, वौद्ध र इशाई धर्मावालम्वीहरुको बसोबास रहेको छ । यहाँ ब्राह्मण, क्षेत्री र तामाङ्ग जातिको बाहुल्यता रहेको छ । यहाँका नागरिकहरुले कृषि, पशुपालन र व्यापारलाई र पर्यटन व्यवसायलाई मुख्य पेशाको रुपमा अँगाल्दै आएका छन् । धुलिखेल, बनेपा र काठमाडौं उपत्यकाबाट नजिक रहेकोले यस नगरपालिकाको आर्थिक, सामाजिक तथा साँस्कृतिक विकासमा प्रत्यक्ष सकारात्मक प्रभाव परेको छ । यहाँ उत्पादन हुने कृषिजन्य तथा पशुजन्य उपजहरु तिनै बजार क्षेत्रमा बढी खपत र विक्री हुने गरेको छ । भौगोलिक रुपमा मध्यम स्तरीय पहाडी धरातल रहेको यस नगरमा मानव बसोबास र पर्यटन व्यवसायको लागि अति उपयुक्त स्थानहरु रहेका छन् । काभ्रे जिल्लाकै सबैभन्दा कान्छो नवगठित नगरपालिका भएकोले यसलाई एक सक्षम नगरपालिकाको रुपमा स्थापना गर्ने चुनौति समग्र नगरवासी तथा सरकारी र गैरसरकारी निकायहरुको काँधमा आई परेको छ । यहाँ भएका सम्भावनाहरुलाई अवसरको रुपमा परिणत गर्न र यहाँ रहेका समस्याहरुको न्यूनीकरण गर्ने क्रममा योजनावद्ध तवरबाट लाग्नु पर्ने आवश्यकता छ ।
वडा १
मण्डनदेउपुर नगरपालिका वडा नं. १ साविको वालुवापाटी देउपुर गा.वि.स. को वडा नं. १,३,५ र ६ मिलेर वनेको वडा हो। करीव २३००० रोपनी मा फैलिएको यस वडामा ३४८१ जनसंख्‍या रहेको छ। यहाँ वसोवास गर्ने प्रमुख जातीहरुमा तामाङ, वाहुन, क्षेत्री, दमाई, कामि र मगर रहेको छ। यस वडाका वासीन्दाको मुख्‍य पेशा कृषि तथा पशुपालन, वैदेशिक रोजगारी, ज्याला मजदुरी, सेवा पर्यटन रहेको छ। हावापानी उष्ण - समाशितोष्ण रहेको तथा उचाई ७५० मि. देखि १८५० मि. सम्म रहेको छ। यस वडाको पुर्वमा यहि न.पा. को वडा नं. २ र ५, पश्‍चिमा यहि न.पा. को वडा नं. २ र शंखरापुर न.पा., उत्तरमा शंखरापुर न.पा. र मेलम्ची न.पा. र दक्षीणमा यहि न.पा. को वडा नं. २ रहेका छन्। यस वडामा कुल घरधुरी ७४७, कुल विद्यालय ४, जम्मा विद्यार्थी ३०४, मुख्‍य सडक कात्तिके - ढाँडागाँउ - गैरीगाँउ - रानीवन चुरीथुम्का सडक, साखु - कात्तिके - चुरीथुम्का - सिपाघाट सडक र नगरकोट - वालुवापाटी - गैरीविसौना - हिगुवापाटी सडक रहेका छन्।
वडा २
कुनै बेला नाल्दुम महादेवपोखरी भनेर चिनिने, साबिक वालुवापाटी देउपुर गाविस वडा नं. २, ४, ७, ८ र ९ पछि राज्यको संघीय संरचना स्थापित भएपछि हाल मण्डनदेउपुर नगरपालिका वडा नं. २ भनेर चिनिन्छ । यो काभ्रेपलाञ्चोक जिल्लाको उत्तरपश्चिममा अवस्थित छ। पर्यटकीय दृष्टिकोणले महत्वपूर्ण स्थान नगरकोट पनि यसमा नै समाविष्ठ छ। यसले मण्डनदेउपुर नगरपालिकाको वडा नं १, ५ र ३ सँग सिमाना गाँसेको छ। प्रसिद्ध पर्यटकीय क्षेत्र नगरकोट यसै वडाको पश्चिममा चाँगुनारायन नगरपालिका - वडा नं. ६ भक्तपुरसँग र शंखरापुर नगरपालिकाको वडा नं. ४ सँग दक्षिण पूर्वी सिमानामा पर्छ। यस वडाको उचाई समुन्द्र सतहदेखि उचाई ७५० मिटरदेखि १८५० मिटरसम्म रहेको छ। अधिकांश भूभागबाट सूर्योदय, सूर्यास्त अवलोकनको साथै ३६०° पामोरामिक भ्यु हेर्नका लागि प्रसिद्ध मानिएको सगरमाथाको दृश्यावलोकन गर्न सकिने नेपालका थुप्रै उच्च टाकुराहरुको दृष्यावलोकन गर्न सकिने स्थानहरू समाविष्ठ छन्।
वाग्मति अञ्चल काभ्रेपलाम्चोक जिल्लाको नयाँगाउँ देउपुर गाविस भनेर चिनिने यो गाँउ राज्य पुनर्सम्रचना पछि पुर्व नयाँगाउँ देउपुर गाविस का वडा नं. ३,४,७,८ र ९ वडा मिलेर मण्डनदेउपुर नगरपालिका वडा नं. ३ नामाकरण गरिएको । पुर्वमा वडा नं. ४, पश्चिममा नगरकोट डाँडा, उत्तरमा वडा नं. २ र दक्षिणमा बनेपा नगरपालिका क्षेत्र भित्र रहेको यो वडा नं. ३ मा गाँउ भेग र वेशी,लेक भेगमा वसोवास योग्य जमिन छ भने विच भागमा जंगल पर्दछ । व्राम्हण,गुरुङर तामाङको वाहुल्यता रहेको वडामा दलित जातिको पनि वस्ती छ । खानेपानीको सहजता साथै मोटरबाटो चरम दुखः रहेको वडामा हाल वाटो घाटो र सिंचाइको सामान्य अवस्था रहेको यस वडामा विकाश निर्माणले फड्को मार्न सकेको छैन । यहाँका नागरिकले कृषि, पशुपालन र व्यापारलाई आम्दानीको श्रोतको रुपमा लिन्छन । धुलिखेल, बनेपा र काठमाडौं उपत्यकाबाट नजिक यस नगरपालिकाको आर्थिक, सामाजिक तथा साँस्कृतिक विकासमा प्रत्यक्ष सकारात्मक प्रभाव परेको छ । यहाँ उत्पादन हुने कृषिजन्य तथा पशुजन्य उपजहरु तिनै बजार क्षेत्रमा बढी खपत र विक्री हुने गरेको छ ।
वार्ड अध्यक्षहरू
१ : शिवप्रसाद ढकाल :- ९८४३५५८३३९
२ : राजकुमार मल्ल:- ९८५१०१६६५५
३ :पुरुषोतम बजगाई :- ९८४१४२४३६५
४ : मैते सिं तामाङ :- ९८६३१९२८१३
५ : हर्क बहादुर लामा :- ९८४१३६१६७०
६ : सोम प्रसाद ढकाल :- ९८५१२२३८६४
७ :विष्णुप्रसाद पौडेल :- ९८४१६६६४७८
८ : निरञ्‍जन विष्ट :- ९८५११५२९००
९ :सिताराम श्रेष्ठ :- ९८५११७१६९३
१० : कुमार तामाङ :- ९८५१३३४९००
११ : दिपेन्द्र लामा तामाङ :- ९८४१३३४९९०
१२ : राजकुमार पराजुली :- ९८५११२६७८०
-visit Mandandeupur