بث الفنان الإماراتي #خالد_محمد على منصة "تيك توك" يوم الخميس الموافق ٣١ أغسطس ٢٠٢٣
@kmsongs752
أغنية الفنّان #علي_بن_روغة من كلمات الشاعر #سالم_الجمري
_____________________
حمامٍ يغنّي
على راس فنّي
شجاني وحنّي
وأنا بي حسوفه
وهيّض غرامي
صياح الحمامي
جروحي جدامي
فالفؤاد عوفه
وعيني هميلة
شرات المخيلة
جرا الدمع منها
سريعٍ هتوفه
من افراق خلّي
أنا مستعلّي
وشوفه يسلّي
وصدّه كلوفه
سباني وداده
والفراق زاده
وقلبي امراده
يبا بايشوفه
حسين الدلالي
فريد الجمالي
ولا له امثالي
جليلة وصوفه
جديله امثنّي
وحجله يرنّي
ونقش المحنّي
زهت به كفوفه
وعينه ثليلة
وخشمه سليلة
وخده شعيلة
بروقٍ زفوفه
وريجه مدامي
ينعش عظامي
شفى كل ظامي
رحيقٍ يدوفه
وكشحه سليبي
نعيم اللبيبي
وخصره جبيبي
تعلت اردوفه
وعوده لياني
شرا الخيزراني
حسين المعاني
ملية اطروفه
ولا ينصخى به
لطيفٍ جنابه
وأنا في طلابه
أحيد امعروفه
أراعي عهوده
ولنقل صدوده
عسى الله ايعوده
عليّه اشوفه
ولو يصد عنّي
أنا أحسنت ظنّي
عسنّه يثنّي
وياخذ ابروفه
ويرحم متيّم
به الحب خيّم
كأنّه يتيّم
رمت به اظروفه
رماني زماني
بحب الغواني
وهو ما رحمني
ولا فيه خوفه
يواعد ويخلف
ولا عاد ينصف
وأنا يوم يحلف
جبلت امحلوفه
أصدق مقاله
وأريض ابخياله
ولا ابغي بداله
بعد قط كوفه