ဒို့များ လျောက်တဲ့ လမ်း က မဂ္ဂင်ရှစ်ပါး ဓမ္မစကြာလမ်း ဖြစ်ပါတယ်။

မြတ်စွာဘုရားရှင်က ပထမဗောဓိလို့ ခေါ်တဲ့ ဝါတော် ၂၀ မှာ ပေးခဲ့တဲ့လမ်း ဖြစ်ပါတယ်။ သမ္မဒိဋ္ဌိဆိုတဲ့ ခေါင်းတွဲကြီးက သစ္စာလေးပါးကို ကိုင်ဆောင်ပြီးတော့ ဦးဆောင်ပြီး ခုတ်မောင်းတဲ့ အခါမှာ ကျန်တဲ့ သီလ မဂ္ဂင်တွေရော … သမာဓိ မဂ္ဂင်တွေရော ဟောဒီ ခေါင်းတွဲကြီးနောက်က ပါ သွားတော့တာ။ တော်နေကြာတော့ မြို့ဟောင်း ဖြစ်တဲ့ နိဗ္ဗာန်ကို ရောက်ရှိသွားတော့တာ။

သောတာပန် သစ္စာလေးပါး၊ သကဒါဂါမ် သစ္စာလေးပါး၊ အနာဂါမ် သစ္စာလေးပါး၊ ရဟန္တာ သစ္စာလေးပါး ဆိုတဲ့ သစ္စာလေးပါးကို တစ်တန်းတည်း၊ တစ်ထပ်တည်း၊ တစ်ပြိုင်နက်တည်း ထိုးထွင်း သိမြင် သွားတော့တာ။ ဘဝခန္ဓာတွေ ငြိမ်းကုန်တော့တာ။ ဒုက္ခအပေါင်းမှ ကင်းလွတ်ကုန်ကြတာ
ဖြစ်ပါတယ်။

သစ္စာလေးပါး = နိဗ္ဗာန်
နိဗ္ဗာန် = သစ္စာလေးပါး ဖြစ်ပါတယ်။

သစ္စာလေးပါး … သိ - ပယ် - ဆိုက် - ပွါး ဖြစ်ပါတယ်။ သိတယ် ဆိုတာက ဒုက္ခသစ္စာကို သိခြင်း။ ပယ်တယ် ဆိုတာက သမုဒယသစ္စာကို ပယ်ခြင်း။ ဆိုက်တယ် ဆိုတာက နိရောဓသစ္စာကို ဆိုက်ရောက်ခြင်း။ ပွါးများတယ် ဆိုတာက မဂ္ဂသစ္စာကို ပွါးများခြင်း ဖြစ်ပါတယ်။

အနန္တကျေးဇူးတော်ရှင် ဆရာတော်ဘုရားကြီး အရှင်ပုညသေဋ္ဌ (သဲအင်းဂူ)