श्रीरामपूर तालुक्यातील फत्याबादच्या चांडेवाडीचे प्रगतशील शेतकरी कुटुंब खेमनर हे अतिशय नियोजनबद्ध शेती करतायेत...याच कुटुंबातील पोपटराव खेमनर यांना २०१६-१७ सालच्या जिल्हा परिषदेकडून देण्यात येणाऱ्या प्रगतशील शेतकरी पुरस्काराने सन्मानित करण्यात आले होते...हा पुरस्कार मिळाल्यानंतर काही दिवसांतच त्यांचे अल्पशा आजाराने निधन झाले होते...त्यांच्या निधनानंतर सर्व ५ एकर शेतीची जबाबदारी त्यांची पत्नी लताबाई खेमनर यांच्या खांद्यावर आली...ती जबाबदारी सांभाळत त्यांनी शेती करण्यास सुरूवात केली...शेती करत असताना त्यांना मुलगा दत्तात्रय खेमनर, सून आणि नातू यांनी नेहमीच सहकार्य केले...लताबाई खेमणार यांचे वय आज ५४ वर्षे एवढे असून देखील त्या शेतीत कष्ट करतात...त्यांनी आताच्या अवघ्या दीड एकर शेतीमध्ये ३९ पोते एवढे सोयाबीनचे विक्रमी उत्पादन घेतले असून याची दखल घेत डॉक्टर किसान बायो रिसर्चस कडून त्यांना कृषी भूषण पुरस्कार जाहीर करण्यात आलाय...त्यानंतर त्यांनी गव्हाचे देखील चांगले उत्पादन घेतले असून दीड एकर क्षेत्रात ऊसाचे पीक देखील घेतले आहे...त्या ऊसाच्या शेतात त्यांनी मेथी, कोथिंबीर, मका आणि कांद्यासारखी विविध आंतरपिके घेतली आहेत...विशेष म्हणजे लताबाई खेमनर त्यांची शेती केवळ एका बोअरवेलवर अवलांबून आहे...ही सर्व शेती फ्लोने पाणी भरून केली जाते...पाण्याचं उत्तम प्रकारे नियोजन त्या करतात...या सर्व ५ एकर शेतीसाठी ते बाहेरून मजूरही आणत नाहीत, तर संपूर्ण कुटुंब त्यांना यात सहकार्य करत असते...लताबाई या शेतीच्या माध्यमातून लाखोंचं उत्पन्न कमावतायेत...लताबाई खेमनर यांनी केलेला आंतरपिकाची प्रयोग नक्कीच चांगला असून त्याचा आदर्श इतर शेतकऱ्यांनी घ्यावा...ऊस हे पीक करून वर्षभरात इतर पिके घेतल्यास आर्थिक स्थिती स्थिर राहू शकते असं मतही त्यांनी यावेळी व्यक्त केलंय...
द कॉलम अ‍ॅग्रीकल्चर ही मराठी वाहिनी आहे. या वाहिनीचा शुभारंभ ऑगस्ट २०२१ पासून झाला असून त्याचे मालकी हक्क द कॉलम मीडिया ग्रुपकडे आहेत. द कॉलम वाहिनीनं अद्यावत तंत्रज्ञानाचा वापर करून डिजिटल माध्यम क्षेत्रात पाऊल टाकलं आहे. यात शेती आणि शेतकऱ्यांसंबंधित म्हणजेच शेतकऱ्यांसाठी हितकारक योजना, शेती संबंधीत सल्ले त्यासाठी शेतकऱ्यांनी काय करायला हवं या संबंधीत कार्यक्रमांचा समावेश आहे.
आम्हाला सोशल प्लॅटफॉर्म्सवर फॉलो करण्यासाठी खालील लिंकवर क्लिक करा:
Facebook: DColumnNews
Instagram: dcolumnnews
Twitter: dcolumnnews
Website : www.thecolumnnews.com