‘အန္တရာယ်မရှိတဲ့ ပညာရေး’ အမည်ရ စာအုပ်သည် ကရစ်ရှနားမူရတီ၏ ‘Education and the Significance of Life’ ကို ဆရာရှိန်ဝါက ဘာသာပြန်ဆိုထားသော ပညာရေးဆိုင်ရာ စာအုပ်တအုပ်ဖြစ်ပါသည်။ ဤစာအုပ်ကို အသံစာအုပ် (Audiobook) အဖြစ် ယပ်တောကျောင်းက အခန်းဆက် မျှဝေသွားမည်ဖြစ်ပါသည်။
-----------------------
"ဆရာတစ်ယောက်ကို ပြန်လည်ပညာပေးဖို့၊ တစ်နည်းအားဖြင့် သူ့ကိုယ်သူ နားလည်လာအောင် လုပ်ပေးဖို့ဆိုတာ ဆောင်ရွက်ဖို့အတွက်တော့ အခက်ခဲဆုံး အလုပ်တစ်ခုပါပဲ။ ဘာကြောင့်လဲဆိုတော့ ကျနော်တို့ အများစုဟာ အတွေးအခေါ်စနစ်တစ်ခု၊ လုပ်ဆောင်မှု ပုံစံခွက်တစ်ခုနဲ့ အသားကျခိုင်မာနေလို့ပါပဲ။ ဘာသာရေး တစ်ခုကိုလက်ခံပြီးပါပြီ။ လုပ်ဆောင်မှု တစ်ခုနဲ့ အသားကျပြီးပါပြီ။ ဒါကြောင့်လည်း ကျနော်တို့ဟာ ကလေးတွေကို ဘာပဲစဉ်းစားရမယ်။ ဘယ်လိုတော့ဖြင့် မတွေးတောရဘူးလို့ သင်ကြားကြတာပါ။"
"မိဘတွေ ကလေးဘာလို့ ယူတာလဲလို့ သူတို့ကိုယ် သူတို့ ပြန်မေးဖူးလား။ ကလေးတွေကို သူတို့ နာမည်တွေကို လက်ဆင့်ကမ်းဖို့ ပဲလား။ သူတို့ရဲ့ စည်းစိမ်ဥစ္စာတွေကို ဆက်လက်ထိန်းသိမ်းဖို့လား။ ကလေးတွေကို သူတို့ပျော်ရွှင်ဖို့အတွက်ပဲ အကျိုးမျှော်ပြီး မွေးတာလား။ သူတို့ရဲ့ စိတ်ပိုင်းဆိုင်ရာလိုအပ်ချက်တွေမှာ စိတ်ကျေနပ်မှု ရဖို့အတွက်လောက်ပဲ ကလေးလိုချင်ကြတာလား။ ဒီလိုသာဆိုရင် ကလေးတွေဆိုတာ မိဘတွေရဲ့ ဆန္ဒတွေ၊ အကြောက်တရားတွေကို ဖော်ပြတဲ့ ပြယုဂ်တွေလောက်ပဲ ဖြစ်နေတော့မှာပေါ့။"
အခန်း (၆) မှ ကောက်နုတ်ချက်