ء
ء
من بادرك باحترام ترد له باحترام
هذي عوائد جميع الناس يدرونها
واللي بدا بالسلام تبادله بالسلام
مع التحيه ثمار الحب تجنونها
واكيد بعض البشر صلى وزكى وصام
لكن تستغرب افعالٍ يسوونها
الكبر قلة قدر بالفعل والا الكلام
والكبر اكبر سبب للناس في دونها
ومع الأسف يلبسه منهو وضيع المقام
ويفكر ان البشر تجعله بعيونها
واللي يدل التواضع يرتقي للكرام
كرام الأنفس ترى تمشي على هونها
ولا تعطي الناس فوق احقوقها باهتمام
كثير دايم تبيع اللي بيشرونها
ودرب المجامل يضيم وله فعول تظام
ويضيع مابين عاقلها ومجنونها
ولازم تفرق مابين اللي حلال وحرام
والنفس عن كل غلطة لازم تصونها
واللي طرالي عدم تقدير بعض الانام
مهما تسوي بعضهم خابت اضنونها
فالحمد لله كسبنا الطيب واهل المقام
ورد البشر حسب مايمليه مكنونها
المحترم لازم أنه يفرض الاحترام
واللي يقدم إساءة ظن يلقونها
#احمد صالح عسيري