IU Mienh Yesu Nzung. Meih Gaanv Daaih sienx.
( Yesu cuotv seix Nzung )
1, IU Mienh gorx youz yietc zungv daaih
houc Ziouv cuotv seix,
Yesu hnamv mbuo cingx njiec daaih
benx dauh baamh mienh,
Cuotv seix daaih yiem wuov maaz-laanh
gengh aiv haic nyei dorngx,
Njoux Ziouv yesu Ninh hnamv haic meih
cingx njiec daaih cuotv seix.
2, Ziouv njiec baamh gen daaih lorz njoux
yietc zuangx zuiz mienh,
Yesu hnamv mbuo cingx siev jienv
tin-dorngh njiec daaih,
Dorh jienv njoux en njiec daaih bun
mbuo caux Tin-Hungh horpc hnyouv,
Maiv zuqc dingc zuiz maiv zuqc mienv hoic
gengh njien-youh orn-lorqc.
nzamc.
÷ Meih Gaanv daaih sienx gaanv daaih sienx
mbuo nyei njoux Ziouv,
Ziouv corc zuov jienv nyei tov meih
hnyouv Nzauh nyei mienh gaanv daaih,
Gorngv meih kouv haic Ziouv yaac oix
goux longx meih nyei,
Tov meih gaanv daaih sienx Ninh
meih yietc liuz baengh orn.
3, Ziouv Ninh njiec daaih lorz njoux mbuo
dingx-laaih nyei mienh,
Tov meih goiv hnyouv zipv njoux Ziouv
zoux meih nyei Ziouv,
Ninh oix tengx meih leih ndutv zuiz
nipc mingh yiem tin-dorngh,
Za' gengh kuh yiem nyei baengh orn dorngx
mbuo lomh nzoih gaanv mingh.
÷÷÷