✨✨
‎طراة العمر خوة نشامى وشبّة نار
‎لا طاح الربيع و صارت البيد زوليه
‎مع الدلّه الّلي ماتبي غير ريح بهار
‎يكفيني من الكيف فنجّال برّيه
‎عليها من الهيل وعليها من المسمار
‎علاج الصداع بدون وصفّات طبيه
‎تصير المشاعر كنّها الرايح المدرار
‎سحابٍ يسوق ومقدمه صَبْ برديه
‎لو إن الهجوس أحيان في حاجة استمطار
‎لو اْتمرّني نسمة هبوب اثرّت فيه
‎ماعندي يسار يمين وألاّ يمين يسار
‎تراني على نيّه وصوتي علانيّه
‎من الحرص ما أبغى أطا على جرّة الشّعار
‎لو أطى برجلي جرّة الداب و الحيّه
‎صهيل الحصن معروف لا ولّع المضمار
‎لا صاح المصيّح فوق سرج الصويتيه
‎يضيق الفضاء واحصّل دروب للافكار
‎الافكار حصريه والابيات حصريّه
‎عتيبي عتيبي راسي اصوك ودمي حار
‎وراسي يفوح لعزوتي طيب وحميّه
‎وش اللي يعذرني وانا مامعي معذار
‎لا جات المواقف والعزواي عتيبيه
‎الايام تمشي واتعدّي والصدور اسرار
‎ياويل الصدور اليا ادخلوها الحراميه
‎على شان ماتغدي علومك ولا تحتار
‎الاسرار تبغى عشرة ارقام سريّه
‎ليا ضاعت الهقوه مع مضيّع المقدار
‎يبين الرفيق اللّي فعوله حقيقيه
‎يا يوسف يابن غزّاي ياسيفنا البتّار
‎عن السيف مايكفي ثمانين جنبّيه
‎كبير المقام انعدّ متنك مثل سنجار
‎كسبت الوفاء والطيب والسمعه الحيّه
‎عليك التحيّه يالعميد الركن طيار
‎سلام الكبار انقدّمه للكباريه
‎مواقيف ابو سلمان يوم الكبار كبار
‎على ظهر (ترنيدو) و(اف ففتين حربيه)
‎هذا البلط لا ضاع الجدا والرفيق احتار
‎يمينه بحر جود وجميل وشاميه
‎ملاذ الرفيق وفزعته مدهل الخطّار
‎على الحيل ماعنده مرافه وماويه
‎مسنّد على غزّاي ريف الخوي والجار
‎وخاله حزامه والمواقيف محميه
‎عضيده ليا جات المواقف طويل اشبار
‎يماري بـ عبدالله فخر طيب وحميّه
‎من الاد مرشد يوم حار الزمان ودار
‎مواقيفهم تنشاف لا كبرت الهيه
‎ليا اذن نصيب وصفّوا القوم ياستار
‎تضد العدا يوم (الملَح) جاي له فيّه
‎ليا احترت من بين الامرّين لاتختار
‎عط الراي روقيٍ خذا ونعم مثنيّه
‎رفيق الرفيق اللّي ليا ضاعت الاشوار
‎يحل الصّعاب ووقفته غير عاديه
‎يضيع الكلام اللّي مايمشي ثلاث امتار
‎وتبقى الحقايق مثل حكم السعوديه
‎عيضه الثبيتي