วีดีโอ

2:00

ابدااااااع🎉🎉

👏🏻👏🏻

صح الله لسانك ياالعتيبي ويامرحبا بكم تراحيب المطر فى بلدكم الثاني وديرتكم ظفار

صح بوحك

يسلم لسانك

🙂🙃

🛑الله اكبر والله اكبر ولا ربٍ سواه الله اكبر والله اكبر شكرته واحمده 🛑انتهى التشريق وايام ذي الحجة وراه وننشد الله القبول منه وحده ننشده 🛑انقضى عام ورحل والله يجمل قضاه وابتدا عام السعد والبشاير بسعده 🟩ياهجوسي ثوري فالصفا وانحت صفاه الصخر والبحر عرضه وطوله ابجده 🟩لجل عشاق الأدب يرتقي في مستواه من عيون الشعر اقدم قصيدي وأقصده 🟩وفي مقام العز سيري ونحو الاتجاه الجزايل سوقها بين قامه وقعده 🟥ماتنوخ غير عند ابلجٍ عالي نباه يشهد الله والخلايق بياضه تشهده +🟥عند ابو عبدالعزيز يرحم الله من رباه بنك طيب ويصرف الطيب عمله ينقده 🟥والله المعطي وانا شاهد أن الله عطاه كل خيرٍ يفتحه ,,,, كل شرٍ يؤصده +🟩مرحبا في محفلٍ شرفه من هو نصاه الجزال مبرّكة والدلال مقنّده 🟩ضيفنا يا مرحبا عد ما سارت خطاه بالمودة والصخا الطريق نعبّده 🟩مرحباً واهلاً هلا والوفاء منكم وفاه فـالضمير نردده وباللسان نردده +🟥عز يا مال الشحم ,,, عز يامال الغناه عز يا عبدالعزيز ,,, كل جهدٍ تجهده 🟥لو تقول الك العرب بالبنين وبالرفاه قلت لك مبروك فعلك وربي سدده 🟥من يخصّم لآزمه وياجده منهو بغاه مانقول الا كفو والدٍ هذا ولده 🟩كل نجم لآ شَهَر وأعتلى عالي سماه دور وتلقى سند من عموقه يسنده 🟩انت عمانك عيال أخطلٍ تندى يداه يقصده من ضاقت به البسيطة يقصده 🟩الرجال اللي لهم فزعة ومبدأ وجاه تنجد الملهوف واللي زينها تنجده +🟥وانت جدك مطلق اللي تناقله الرواه النعم ساقه عدد لين طافه بعدده 🔴ولك خوال الذيب سرحان تطرح له عشاه قبل توحيد الصفوف الخصيّم تبدده +🟥من نصانا فالنوايب يحصل مبتغاه مصلحيٍ للوعد محتزم قبل وعده 🟢يا قثام الأصل والفعل يا روس الدهاه ياسيوفٍ ماتعرف الجفير مجرده +🟢عسكر البارود لا برطمت روس الطغاه عسكروا بالملح والجمر فيها تبرده +🟢فزعة الهيلا نهار البرى و ردّْة براه مجّد التاريخ فعل القثامي مجّده 🟡من صميم عتيبة الي لها المجد وعراه مجدها يرقى سما وكل ساع تجدده +🟡النعم مثل الخيال لآ أدّحم وأقبل وحاه ينطحه راس العتيبي وينثره برده +🟡لين بين الناس يمشي ويشملهم هناه السلوم نسنها في بنود مبنّده +🟡 العتيبي عز "تكفى" وعز الي نخاه من يده نجدة ذراع العتيبي من يده 🟡حب ربعي فرض واجب مثل فرض الصلاه ردها عني ومن ينشدك قول أنشده 🔵شاعرٍ ماغير ربه من العالم خشاه مييد لدينه ودينه لقوله مييده 🔵أتحزّب للكفو وين ما دارت رحاه للضفر معضد وحنا يمينٍ تعضده 🔘والقبايل فالجزيرة لها مجد وطراه قيّد التاريخ مجد القبايل قيّده 🔘والفضل لله ربٍ هدانا *(ومن)* هداه سخر معزي ووحد صفوف موحده 🔘لين ضف الأمن وجه الجزيره واكتساه و زارعين الخير تبشر بخيرٍ تحصده 🔴ودامت الافراح يا من ينومسنا نداه ولا نقول الا كفو والدٍ هذا ولده شعر: عبدالهادي بن مطلق بن صالح القثامي 23Jul2022