ಬ್ಯಾಡಗಿಯ ಶ್ರೀ ಗುರು ಕುಮಾರೇಶ್ವರ ಧಾರ್ಮಿಕ ಪಾಠಶಾಲೆಯು ( ಸಿಂದಗಿ ಮಠ) ಹಾನಗಲ್ಲ ಕುಮಾರ ಶ್ರೀಗಳ ಕರಸಂಜಾತರಾಗಿ ಬೆಳೆದ ಸಿಂದಗಿ ಶಾಂತವೀರ ಪಟ್ಟಾಧ್ಯಕ್ಷರು ತಮ್ಮ ಗುರುಗಳ ಹೆಸರಿನಲ್ಲಿ ಬ್ಯಾಡಗಿ, ಹಾವೇರಿ,ಸಿಂದಗಿ, ಗದಗ ಇನ್ನಿತರ ನಗರಗಳಲ್ಲಿ ಪಾಠಶಾಲೆ ಆರಂಭಿಸಿದ ಶ್ರೀಗಳು ಸಮಾಜ ಸೇವೆಗಾಗಿ ತಮ್ಮ ಬದುಕನ್ನೆ ಸಮಾಜಕ್ಕೆ ಅರ್ಪಿಸಿದರು. ಶ್ರೀಗಳ ಲಿಂಗೈಕ್ಯದ ಬಳಿಕವೂ ಎದೆಗುಂದದ ಶಿಷ್ಯವರ್ಗ & ಭಕ್ತವೃಂದ ತಮ್ಮ ಪರಿಶ್ರಮ ಧಾರೆ ಎರೆದು ಇಂದಿಗೂ ಪಾಠಶಾಲೆಗಳನ್ನು ಜೀವಂತವಾಗಿಟ್ಟಿದ್ದಾರೆ. ಸುಮಾರು 60 ವರ್ಷಗಳಿಂದ ಪಾಠಶಾಲೆಯು ವಿವಿಧ ಸಾಮಾಜಿಕ ಮತ್ತು ಧಾರ್ಮಿಕ ಚಟುವಟಿಕೆಗಳಿಗೆ ತನ್ನನ್ನು ಅರ್ಪಿಸಿಕೊಂಡಿದೆ. 6 ಮತ್ತು 7 ನೇ ತರಗತಿಯಿಂದ ಮಕ್ಕಳಿಗೆ ಪಾಠಶಾಲೆಯಲ್ಲಿ ಪ್ರವೇಶವಿದೆ, ಪದವಿ ಹಂತದವರೆಗೂ ಶೈಕ್ಷಣಿಕ ಸೌಲಭ್ಯ ನೀಡುತ್ತದೆ.