วีดีโอ

你咁做唔啱氣體例喎，仲出片

🤣等我收返間屋搵下阿暉，等佢見識下窮L2號

我都睇完第一二集 睇埋你哋嘅回應 一切明白了

不如搞第二次華山論劍啦😆

岩岩睇完 1-2集 就睇到你們回應😊

【回應近日網上影片指控】 HOMIC DÉCOR. 留意到最近有裝修群組喺網上發佈影片，指控我哋近期負責嘅一個住宅單位裝修工程有設計問題同手工瑕疵，本來都諗住「寶寶很苦，但寶寶不說」，但呢幾日開始見到有人喺其他頻道留言話我哋工程「爛尾」，為免事件越描越黑，都想回應一下，將我哋嘅版本講出嚟。 首先要講講呢間屋嘅平面設計圖，其實係客戶同我哋簽約之前，向另一間設計公司攞報價得到嘅，我哋當時初步睇過呢個平面圖認為佈局可行，於是就根據呢一個方案去繼續深化成個設計。過程中，我哋都有提出過可以將雪櫃擺出廳嘅建議，不過客戶覺得雪櫃擺喺廚房入面始終比較符合佢哋使用習慣，而我哋公司一向嘅宗旨都係幫客戶完成佢哋心目中嘅理想家居，所以之後都冇再就擺位方案斟酌太多。 客戶從一開始都係話委託我哋做「全屋裝修」，我哋根據要求做好最終報價單，簽約同時收取$20,000設計費用作為訂金。結果當我哋畫好咗全屋3D效果圖之後，客戶突然要求取消兩間睡房嘅傢俬，自行搵內地全屋定制公司訂造。之後，客戶再突然要求取消主人房房門連客廳整幅飾面牆。又然後，客戶逛完家居展後突然又話自己「已經訂咗大門」。一再刪減報價單項目嘅情況其實經常都會發生，我哋亦都非常理解客戶喺預算上會有唔同考量，我哋最關注嘅只係工程能唔能夠圓滿順利完成。所以喺成單工程安排上，我哋同客戶作出一個君子協定，就係內地定制公司必須喺我哋完工退場之後，先可以送貨同安裝。 單位喺7月底動工完成清拆，我哋喺8月初安排水電師傅進場，根據圖紙喺現場畫好位，隨即叫客戶上單位現場檢查，希望喺開始鑿坑之前確認好所有水電位置，避免中途改動會影響工程進度同產生額外收費。但喺水電開工之後，客戶至少三次要求加改電掣位，其中包括去張就內地定制公司嘅傢俬設計，需要改電掣位置接駁燈帶；客戶亦都試過喺一日之內兩三次就加改掣位要求改變主意，令我哋同水電師傅都相當無所適從。直到9月15號，我哋陪同客人去揀磚時，客人又再次提出改動，要求取消原有企缸的壁龕設計，當中涉及到入牆水喉位置的改動，最終本來需時一個月左右就可以完成嘅水電工序喺施工期間一改再之下，做咗接近兩個月即係9月23號先至全部完工。 我哋一直知道客戶急於年底前入伙，所以之後做泥水我哋都有特別要求師傅要盡快起貨，結果呢間實用面積約600平方呎嘅屋，全屋磁磚喺三星期內即係10月21日就已經鋪好。而我哋亦都喺幾日之內畫好傢俬圖初稿並且send俾客戶審閱，10月底之前約見客戶面對面仔細討論。見面時，我哋亦有向客戶指出過廚房角落位置嘅問題，見面之後亦都向客戶提出過改善建議。客戶最終喺兩星期後，即係11月中確認傢俬圖可以落單，而我哋負責訂造嘅傢俬喺12月第一個星期已經大致完成安裝，只欠廚房枱面石未送到；從網上影片嘅細節見到，呢個時間點大致就係拍片嘅日子。 有經歷過裝修嘅朋友都會知道，長達幾個月嘅工程涉及到各個唔同範疇，或多或少都會有問題出現，好難做到百分百完美，最重要係點樣處理同解決問題，達到自己想要嘅效果，但我哋唔清楚到底呢位客戶係咪都係咁諗。至少喺呢次工程埋尾嘅溝通過程中，我哋最後收到客戶要求需要執漏嘅地方只有以下6項：  1.⁠ ⁠廚房個木殼做錯重做  2.⁠ ⁠更換廁所門框  3.⁠ ⁠門口櫃五金收返螺絲  4.⁠ ⁠廁所安裝三角架  5.⁠ ⁠客房掛勾未裝  6.⁠ ⁠客房燈有問題 以上除咗需要重造嘅廁所鋁門框因為年尾運輸途中不幸被扣關而要稍為延遲，其他執漏全部喺一星期內已經完成。對於影片中提及嘅多個其他問題，客戶並冇向我哋提出要求執漏，而最離奇係「雪櫃應該要擺其他地方」喺呢個時候突然變成客戶最關注嘅重點。 家電擺放位置從來都係家居佈局嘅最基本，想搬電箱當然都冇問題，但正如客戶自己喺片中所講，一開始討論平面圖嘅時候都有傾過家電擺位，而當時得出嘅結論，正正就係將雪櫃擺放喺而家大家見到嘅位置。咁點解到完工先會突然變成最不滿嘅地方呢？ 即使喺開工之後，我哋認為客戶都有多個時間點，可以提出對呢個擺位嘅質疑： 1. 畫好傢俬圖後，上單位自己感受一下位置； 2. 傢俬安裝好之後，上單位睇一次；（客戶當時都有咁做並且提出咗一個改動，就係要求我哋將角落位嘅側板鋸走）； 3. 交收嘅時候。（我哋當時同客戶溝通時都有提出過，如果客戶真係對櫥櫃呢個位置耿耿於懷嘅話，我哋可以諗諗點樣改櫃，甚至拆櫃重新造一個，我哋只會收取成本價，我哋認為係公道同合理） 好可惜，我哋最後並冇收到任何相關要求，反而係要求我哋簽署一份文件，內容大致上係話我哋公司負責嘅呢單工程爛尾，客戶唔會再支付任何款項，同埋要求我哋為「爛尾工程」提供一年嘅保養undertaking。更加無奈嘅係，我哋已經多次同客戶溝通討論，而客戶似乎係希望我哋公司為佢哋後悔嘅決定而埋單。 就工程尾數問題，客戶提出咗以下幾個疑問：  1.⁠ ⁠廚房地櫃應只有12.5直呎（是否計算未能使用的部分？）  2.⁠ ⁠吊櫃層板（是否計算未能使用的部分？）  3.⁠ ⁠門口鞋櫃及換鞋位（雪櫃可放置於外部，卻需拆除該區域，計費方式如何？）  4.⁠ ⁠玻璃鏡（拆鞋櫃時亦冇可用途）  5. ⁠全屋打膠收口收費三千（全屋？）  6.⁠ ⁠設計費用二萬元（設計方案導致廚房無法使用三邊使用，令業主需重新施工，請問這樣的設計合理嗎？） 7. ⁠工程延遲至五個月（超出合約期限一個月，應補償相應的市場租金，一個月約為$14,000，根據美聯物業計算） 簡而言之，即係執漏完成，但手執尾數嘅客戶對於櫥櫃設計心存不滿，所以呢單工程就等於無完成到。客戶認為現時櫥櫃角落位嘅枱下位置未能盡用，係設計上嘅錯誤，所以無論設計費用以至傢俬費用都唔應該計算有關部份。而其實點樣使用呢個角落位嘅問題，早喺生產傢俬之前我哋已經進行了多日嘅討論，而客人嘅最終決定係：以不變應萬變，留空角落位不用。 猶記得大半年前，兩小口嚟到我哋公司傾裝修時，對新居充滿期待，好多項目都好想做，但每每都受預算所限制。我哋都好希望喺能力範圍之內幫客戶完成呢個輕奢風格居所，所以就算客戶唔符合我哋當時推廣優惠嘅資格，阿暉都答應親自免費為佢哋髹上一幅藝術漆特色牆。而即使最終去到工程尾聲，客戶對我哋態度變得唔再友善，我哋仍然堅持兌現當初嘅承諾。人生就係充滿無奈，有好多好多嘅追悔莫及，我哋可以做嘅就係面對已經發生嘅事情，想辦法解決問題。 最後，我哋已經再次主動聯絡客戶，希望解決問題。我哋一直都十分重視每一個客人，認真處理客人的每一個需求，同時維持高水平的工程質量，對於網上有人發佈不實之詞，嘩眾取寵斷章取義，企圖博取眼球嘅人士，我哋會保留一切法律追究權利。

即刻搵阿暉報價👉bit.ly/4eYoVxD

2025

2025

WhatsApp查詢裝修報價👉bit.ly/舊屋翻新裝修

即刻搵阿暉報價👉bit.ly/4eYoVxD

呢個價錢做到咁嘅貨，最平一定唔係，貴又真係唔覺，四百呎屋包埋換窗wo! 話人貴果D，又唔諗下，人地做生意都要賺錢嘅！咩叫利潤？家陣做客下下都想平想壓人價，要無印的質素名創的價錢，呢個世界邊有咁荀？ 要平，做工質素自然要犧牲，D門較用平D，師傅搵黒工，電線水喉電制用差D、斬斬埋埋咪平囉！不過之後用一兩年就甩皮甩骨，之後的保養維修咪又還返出嚟

如果廚房有露台或者工作平台，洗衣機放係露台或者工作平台合唔合法？

又多一個老千😂

4百幾尺40萬唔係好正常咩？😂

咁樣40萬都劏得有啲過份

同行都話貴

果然非常之舒舒服服、簡簡單單、骨骨緻緻❤ 靚！

6:00 廁所冇用不銹鋼，不夠誠意😅

向大師兄致敬🫡

想問妹房個櫃係R幾多既圓角？🙌🏻

夠簡單，整潔，企理。 大家唔好以為40 幾萬好多，我地三行工人有工會價人工，大家可以上網睇，重有材料架生，唔洗錢，自己去五金舖，買下材料，師傅用啲工具先，唔好條條裝修片都話貴。如果平，爛尾、走佬。用下腦都知無可能咁平，業主自食其果，你自己都唔係搵一間設計公司，你都有格間，靜係識話阿輝貴😫

成條道友咁

成間屋空鏤鏤都要40幾萬😮

請問牆身油什麼顏色？

價格合理，因為全屋造過哂😂

唔好忍笑啦😂

擺明昆呢對退休夫婦，咁嘅裝收，重要有間房冇做大櫃，冇包磁磚，又冇改動過間格，點收呢個價錢呀😮最慘又唔係靚，30萬都比多許

好窉心給長者裝地下灯

價錢都算貴

2吋頂眉好正

差d miss左個尾 😂 笑死

想問廚房收納架…喺邊到買架🤣🤣

好實用👍👍👍

呀暉係咪搵緊流量密碼😂

阿暉吾得啦,又吾買留言,都無人留支持阿暉,阿暉好用心!!真喺要同前輩學下野

圓角大師😂

👉立即WhatsApp聯絡我們了解裝修報價流程：bit.ly/3ZxP7uB

計位就真係好on9！ 行STAR 同行 RING 已經做多做少差別！

我自己好鍾意法式復古，經常上小紅書睇咗好多家居設計😅

作為業內一分子，我地又點會唔明師傅們睇完嬲嘅原因？但事實上有啲客嘅收貨標準就係咁高，睇得明就知 04:47 先係成條片嘅重點共勉之

那有沒瑕疵、呢啲驗收食屎啦去

咁驗樓正仆街

我個師父直情粉牆 床板又裂左 插蘇鬆的 地板凸起 門縫漏水 窗本來好地地但裝修完之後無端端變咗漏水！好彩冇搵佢訂造衣櫃

條繩可以邊度買？ 😀

👍👍👍

😜立即WhatsApp聯絡我們了解裝修報價流程：wa.me/85291755638

how much ?