ಎಲ್ಲರಿಗೂ ಸ್ಕೌಟ್ ವಂದನೆಗಳನ್ನ ತಿಳಿಸುತ್ತಾ,
ಸ್ಕೌಟ್ ಮತ್ತು ಗೈಡ್ ಸಂಸ್ಥೆಯಲ್ಲಿ ವಿಶ್ವಮಟ್ಟದಲ್ಲಿ ಎಲ್ಲಾ ಸದಸ್ಯರು ಕೂಡ ಎಡಗೈ ಹಸ್ತಲಾಘವ ಲೆಫ್ಟ್ ಹ್ಯಾಂಡ್ ಶೇಕ್ ಮಾಡುವುದು ನಮಗೆಲ್ಲರಿಗೂ ತಿಳಿದಿರುವ ವಿಚಾರ. ಎಡಗೈ ಹಸ್ತಲಾಘವನ್ನು ಸ್ಕೌಟಿಂಗ್‌ನ ಸಂಸ್ಥಾಪಕರಾದ ಸ್ಕೌಟ್ ಸಂಸ್ಥೆಗೆ ಲಾರ್ಡ್ ಸ್ಟೇಫನ್ ಸನ್ ಸ್ಮೆಯ್ತ್ ಬೆಡನ್ ಪವನ್ ಅವರು ಪರಿಚಯಸಿದರು. ಆದರೆ ಅದರ ಮೂಲವು ಪಶ್ಚಿಮ ಆಫ್ರಿಕಾದ ಈಗಿನ ಘಾನ ದೇಶದಲ್ಲಿನ ಅಶಾಂತಿ ಪ್ರದೇಶದ ಜನಾಂಗದಿಂದ ಪ್ರೇರೆಪಿತವಾಗಿದ. ಮೇಜರ್ ಜನರೇಲ್ ಆಗಿದ್ದ ಬೆಡನ್ ಪೌವೆಲ್ ಅವರು 1895ರ ಡಿಸೆಂಬರ್‌ನಲ್ಲಿ, ಅಶಾಂತಿ ಬುಡಕಟ್ಟಿನ ರಾಜ ಮೊದಲನೇ ನಾನಾ ಪ್ರೆಂಪೆರ ವಿರುದ್ಧ 4ನೇ ಅಶಾಂತಿ ಯುದ್ಧ ನಡೆಸಲು ಗೋಲ್ಡ್ ಕೋಸ್ಟ್‌ಗೆ ಕಳುಹಿಸಲ್ಪಟ್ಟರು. ಅವರು ಪ್ರಬಲ ಅಶಾಂತಿ ಬುಡಕಟ್ಟನ್ನು ಎದುರಿಸಲು ಬ್ರಿಟಿಷ್ ಪಡೆಯ ಪ್ರಯತ್ನವನ್ನು ಶಕ್ತಿಯನ್ನು ಹೆಚ್ಚಿಸಲು ಸ್ಥಳೀಯ ಪಡೆಗಳನ್ನು ಕಟ್ಟಿ ಸೇರಿಸಲು ಯುದ್ಧ ಗೆಲ್ಲಲು ಕಳುಹಿಸಲ್ಪಟ್ಟವರು. ಅವರ ಮೊದಲ ಕೆಲಸವು ಕರಾವಳಿ ಪ್ರದೇಶಗಳಿಂದ ಅಶಾಂತಿ ರಾಜಧಾನಿಯಾದ ಕುಮಾಸಿಗೆ ರಸ್ತೆ ನಿರ್ಮಿಸುವುದು. ಆ ಸಂದರ್ಭದಲ್ಲಿ ಆಗಿನ ಕಾಲದ ಅಲ್ಲಿನ ದೊರೆಯಾಗಿದ್ದವರು ಮೊದಲನೇ ಪ್ರೆಂಪೆ / ಪ್ರೆಂಪೆಹ್ (Prempeh) ಅವರು ಆಳ್ವಿಕೆ ನಡೆಸುತ್ತಿರುತ್ತಾರೆ. ಒಟುಮ್‌ಫುವೋ ನಾನಾ ಪ್ರೆಂಪೆಯ್ ಅವರು 18 ಡಿಸೆಂಬರ್ 1870 ರಿಂದ 12 ಮೇ 1931ರ ತನಕ ಜೀವಿಸಿದರು. ಅಶಾಂತಿ ಸಾಮ್ರಾಜ್ಯ ಮತ್ತು ಒಯೊಕೊ ಅಬೊಹ್ಯೆನ್ ರಾಜವಂಶದ 13ನೇ ರಾಜ ಕಿಂಗ್ ಪ್ರೇಂಪೆ-|, ಮಾರ್ಚ್ 26, 1888 ರಿಂದ 1931 ಅವರ ಮರಣದ ತನಕ ಆಳಿದರು ಮತ್ತು ಅವರ ಕಾಲದಲ್ಲಿ ನಡೆದ ಯುದ್ಧ 1895-96 ರಲ್ಲಿ ಬ್ರಿಟನ್ ವಿರುದ್ಧ ಅಶಾಂತಿ ಯುದ್ಧವಾಗಿತ್ತು . ರಾಜ ಅಸಂತೆಹೆನೆ ಮೊದಲನೇ ಪ್ರೇಂಪೆ I ರ ಮೂಲ ಸಿಂಹಾಸನದ ಹೆಸರು "ಅಶಾಂತಿ ಸಾಮ್ರಾಜ್ಯದ ರಾಜಕುಮಾರ ಮೂರನೇ ಕ್ವಾಕು ದುವಾ ಅಸಮು"
(Prince Kwaku Dua III Asamu of the Ashanti Empire). ಇವರ ನಾಯಕತ್ವದಲ್ಲಿ ಆಂಗ್ಲರ ವಿರುದ್ಧ ಯುದ್ಧ ನಡೆಯುತ್ತಿತು ಈ ಸಂದರ್ಭದಲ್ಲಿ ಬಿ ಪಿ ಯವರು ಅಶಾಂತಿ ಬುಡಕಟ್ಟಿನಿಂದ ರಾಜಧಾನಿ ಕುಮಾಸಿಯನ್ನು ಪ್ರವೇಶಿಸಿದಾಗ, ಅವರನ್ನು ಎಡಗೈ ಹಿಡಿದ ಯೋಧ ಮುಖ್ಯಸ್ಥರು ಸ್ವಾಗತಿಸಿದರು. ಅವರು ಬಿ-ಪಿಗೆ ಈ ಎಡಗೈ ಹಸ್ತಲಾಘವದ ಅರ್ಥ "ಧೈರ್ಯಶಾಲಿಗಳಲ್ಲಿ ಧೈರ್ಯಶಾಲಿಗಳು ಎಡಗೈಯಿಂದ ಅಭಿವಂದಿಸುತ್ತಾರೆ" ಎಂದು ಹೇಳಿದರು. ಎಡಗೈ ಅಭಿವಂದನೆಯ ವಿವರಣೆಯೆಂದರೆ ಯೋಧನು ಎಡಗೈಯಿಂದ ಗುರಾಣಿಯನ್ನು ಹಿಡಿದಿರುತ್ತಾನೆ, ಬಲಗೈಯಲ್ಲಿ ಖಡ್ಗ /ಭರ್ಜಿಗಳನ್ನು ಹಿಡಿದಿರುತ್ತಾನೆ. ಆದ್ದರಿಂದ ಯಾರಾದರೂ ನಿಮ್ಮ ಮೇಲೆ ನಂಬಿಕೆ ಇಟ್ಟುಕೊಳ್ಳಲು, ನೀವು ಗುರಾಣಿಯನ್ನು ಕೆಳಗೆ ಇಟ್ಟು ಬಿಟ್ಟು ಅವರನ್ನು ಎಡಗೈ ಹಿಡಿದು ಸ್ವಾಗತಿಸುತ್ತೀರಿ. ಇದರಿಂದ ಪ್ರೇರಿತರಾಗಿ ಬಿ ಪಿ ಅವರು ಸ್ಕೌಟಿಂಗ್ ಆರಂಭಿಸಿದಾಗ ಸ್ಕೌಟ್ ಮಕ್ಕಳು ಸಹ ಎಲ್ಲರಲ್ಲಿ ನಂಬಿಕೆ ಇಡುವುದಾರ ಮೂಲಕ "ಧೈರ್ಯವಂತರಲ್ಲಿ ಧೈರ್ಯವಂತರಾಗಿ" ಬದುಕಬೇಕು ಎಂದು ಎಡಗೈ ಹಸ್ತಲಾಘುವನ್ನು ಪರಿಚಯಿಸಿದರು ಹೀಗಾಗಿ ಪ್ರಪಂಚದಾದ್ಯಂತ ಕೋಟಿಗಟ್ಟಲೆ ಸ್ಕೌಟ್‌ಗಳು ಬಳಸುವ ಎಡಗೈ ಅಭಿವಂದನೆ ಪ್ರಾರಂಭವಾಯಿತು.
ಬ್ಯಾಡನ್ ಪೌವೆಲ್ ಇಲ್ಲಿ ಕೇವಲ ಎಡಗೈ ಹಸ್ತಲಾಘುವನ್ನು ಮಾತ್ರ ವಲ್ಲದೆ ಹಲವಾರು ಪ್ರಮುಖ ಸ್ಕೌಟಿಂಗ್ ಕೌಶಲ್ಯಗಳನ್ನು ಅಶಾಂತಿ ಜನರಿಂದ ಎರವಲು ಪಡೆದಿದ್ದಾರೆ :
* ಕಾಡಿನಲ್ಲಿ ಪಯೋನಿಯರಿಂಗ್: ಕಾಡಿನಲ್ಲಿ ರಸ್ತೆ ಮಾಡುವುದು, ದಟ್ಟವಾಗಿ ಬೆಳವಣಿಗೆಯಾದ ಪೊದೆಗಳ ತೆರವುಗೊಳಿಸುವುದು, ಕೆರೆಗಳ ಮೇಲೆ ರಸ್ತೆಗಳನ್ನು ಹಾಕುವುದು ಹಾಗೂ ನದಿಗಳು ಮತ್ತು ಹಳ್ಳಗಳ ಮೇಲೆ ಸೇತುವೆಗಳನ್ನು ನಿರ್ಮಿಸುವುದನ್ನು ಹೀಗೆ ಅನೇಕ ಚಟುವಟಿಕೆಗಳನ್ನು ಮಾಡುತ್ತಿದ್ದರು ಇದರಿಂದ ಬಿ.ಪಿ. ಪಯನಿರಿಂಗ್ ಕೌಶಲ್ಯವನ್ನು ಪ್ರಾಯೋಗಿಕವಾಗಿ ಹೆಚ್ಚು ಕಲಿತರು, ಹಾಗೂ ಸ್ಕೌಟಿಂಗ್ನಲ್ಲಿ ಅಳವಡಿಸಿದರು.
* ಸ್ಕೌಟ್ ಪದ: ಅಶಾಂತಿ ಜನಾಂಗದಲ್ಲಿ ಅದಾಗಲೇ ಸ್ಕೌಟ್ ಗಳಿದ್ದರು ಆದರೆ ಅವರು ನಮ್ಮ ಈಗಿನ ಸ್ಕೌಟ್ ಗಳಲ್ಲ ಯುದ್ಧ ಭೂಮಿಯಲ್ಲಿ ಮುಂಚೂಣಿಯಲ್ಲಿರುವರು ಹಾಗೂ ಕಾಡಿನಲ್ಲಿ ಯಾರಿಗೂ ಸ್ವಲ್ಪವು ಗೋಚರಕ್ಕೆ ಬಾರದಂತೆ ಅಡಗಿಕೊಂಡು ಯುದ್ಧ ಮಾಡುವ ಕಲೆ ಅರಿತವರು, ಇವರು ಎಲ್ಲಾ ರೀತಿಯ ಕೌಶಲ್ಯಗಳ ಜ್ಞಾನ ಹೊಂದಿದ ರಾಜ ಹಾಗೂ ದೇಶಕ್ಕಾಗಿ ಹೊರಾಡುವ ವೀರ ಸ್ಕೌಟ್ ಗಳು ಅವರು, ಹಾಗಾಗೀ ಬಿ.ಪಿ.ಯವರು ಈ ಸ್ಕೌಟ್ ಪದವನ್ನು ಸಂಸ್ಥೆಗೆ ಉಪಯೋಗಿಸಿರಬಹುದು ಎನ್ನವುದು ನನ್ನ ಸ್ವಂತ ಅಭಿಪ್ರಾಯ.
* ಸ್ಕೌಟ್ ಪೆಟ್ರೋಲ್‌ಗಳು: ಗೋಲ್ಡ್ ಕೋಸ್ಟ್‌ನ ಜನರಿಂದ (ಈಗ ಗಾನಾದ ), ಬ್ಯಾಡನ್ ಪೌವೆಲ್ "ಮೃದುವಾಗಿ ಮೃದುವಾಗಿ ಕೋತಿಗಳನ್ನು ಹಿಡಿಯಿರಿ" ಎಂಬ ನುಡಿಗಟ್ಟನ್ನು ಕಲಿತರು ಮತ್ತು ಅವರು ತನ್ನ ಪಡೆ/ಗುಂಪನ್ನು ಸಣ್ಣ ಗುಂಪುಗಳು ಅಥವಾ ಪೆಟ್ರೋಲ್‌ಗಳಾಗಿ ವಿಭಜಿಸುವ ಮೂಲಕ ಮತ್ತು ಪ್ರತಿ ಗುಂಪಿನ ನಾಯಕರಿಗೆ ಜವಾಬ್ದಾರಿ ನೀಡುವ ಮೂಲಕ ಅತ್ಯುತ್ತಮ ಕೆಲಸವನ್ನು ಪಡೆಯಬಹುದು ಎಂದು ಕಲಿತರು. ಅದರಂತೆ ಇಂದಿಗೂ ಸಹ ಸ್ಕೌಟ್ ಸಂಸ್ಥೆಯಲ್ಲಿ ಪೆಟ್ರೋಲ್‌ ಗಳಾಗಿ ವಿಭಜನೆ ಮಾಡುವ ಪದ್ದತಿ ಚಾಲ್ತಿಯಲ್ಲಿದೆ.
* ಸ್ಕೌಟ್ ಸ್ಟಾಫ್ : ಇದನ್ನು ಅಶಾಂತಿ ಅಭಿಯಾನದಲ್ಲಿ ಅಶಾಂತಿ ಜನರು ಕೆರೆಗಳ ಆಳವನ್ನು ಪರೀಕ್ಷಿಸಲು, ರಾತ್ರಿಯಲ್ಲಿ ಎದುರಾಳಿ ಸ್ಥಾನಗಳನ್ನು ರಹಸ್ಯವಾಗಿ ಹುಡುಕುವಾಗ, ಎತ್ತರವಾದ ಪ್ರದೇಶದ ದಾರಿಯನ್ನು ಅನುಭವಿಸಲು ಮತ್ತು ಕಾಡಿನನ ಶಾಖೆಗಳಿಂದ ದೂರವಾಣಿ ತಂತಿಗಳನ್ನು ನೇತು ಹಾಕಲು, ಹೀಗೆ ಅನೇಕ ತರದಲ್ಲಿ ದಂಡದ ಉಪಯೋಗವನ್ನು ಬಳಸುವುದನ್ನು ನೋಡಿ ಅರಿತ ಬಿ.ಪಿ. ಅವರು ಸ್ಕೌಟ್ ಸ್ಥಾಪಿಸಿದಾಗ ಪ್ರತಿಯೊಬ್ಬ ಸ್ಕೌಟ್ ಕೂಡ ತನ್ನ ವೈಯಕ್ತಿಕ ಸ್ಕೌಟ್ ಸ್ಟಾಫ್ ಹೊಂದುವುದು ಹಾಗೂ ಅದನ್ನು ಉಪಯೋಗಿಸುವುದು ಅವಶ್ಯಕ ಎಂದು ಸ್ಕೌಟ್ ಸಂಸ್ಥೆಗೆ ಅಳವಡಿಸಿದರು.
4ನೇ ಅಶಾಂತಿ ಯುದ್ಧದ ಸಮಯದಲ್ಲಿ ಸ್ಥಳೀಯ ಲೆವಿಗಳ ಘಟಕಕ್ಕೆ ಆದೇಶವನ್ನು ನೀಡಿದ ಬಿ. ಪಿ. ಅವರ ಅನುಭವಗಳನ್ನು ವಿವರಿಸಲು ಬಿ ಪಿ ಯವರು 1900 ರಲ್ಲಿ "THE DOWNFALL OF PREMPEH" ಎನ್ನುವ ಪುಸ್ತಕವನ್ನು ಬರೆದು ಅಶಾಂತಿ ಪ್ರದೇಶದ ಜನರ ಕೌಶಲ್ಯ ಜ್ಞಾನ, ಚತುರತೆ, ಧೈರ್ಯ ಹಾಗೂ ಯುದ್ಧ ನೈಪುಣ್ಯಗಳ ಕುರಿತು. ಪುಸ್ತಕದಲ್ಲಿ ಬೆಡೆನ್-ಪೊವೆಲ್ ಅವರ ಸ್ವಂತ ರೇಖಾಚಿತ್ರಗಳನ್ನು ಬಿಡಿಸಿದ್ದಾರೆ. ಈ ಪುಸ್ತಕವು ಯುದ್ಧದಲ್ಲಿ ಬ್ರಿಟಿಷರ ಗುರಿಗಳಿಗೆ ಕ್ಷಮೆಯಾಚಿಸುತ್ತದೆ. ಚಿನ್ನ ಮತ್ತು ರಬ್ಬರ್‌ನಿಂದ ಸಮೃದ್ಧವಾಗಿದ್ದ ಅಶಾಂತಿ ಸಾಮ್ರಾಜ್ಯದ ಮೇಲೆ ಬ್ರಿಟಿಷ್ ಮತ್ತು ಪಶ್ಚಿಮ ಭಾರತೀಯ ಪಡೆಗಳ ಆಕ್ರಮಣವನ್ನು ಪುಸ್ತಕವು ಹೇಳುತ್ತದೆ . ಇದು ಅಶಾಂತಿ ರಾಜಧಾನಿ ಕುಮಾಸಿಯನ್ನು ವಶಪಡಿಸಿಕೊಳ್ಳುವುದು ಮತ್ತು ಕಿಂಗ್ ಪ್ರೇಂಪೆ ಮತ್ತು ಇತರ ಅಶಾಂತಿ ನಾಯಕರನ್ನು ಸೀಶೆಲ್ಸ್‌ಗೆ ಗಡಿಪಾರು ಮಾಡುವುದನ್ನು ಸಹ ವಿವರಿಸುತ್ತದೆ.
ಬೆಡನ್ ಪೌವೆಲ್ 1908ರಲ್ಲಿ "ಸ್ಕೌಟಿಂಗ್ ಫಾರ್ ಬಾಯ್ಸ್" ಪುಸ್ತಕವನ್ನು ಪ್ರಕಟಿಸಿದ ಸಮಯದಲ್ಲಿ ಪ್ರೆಂಪೆಹ್ ಅವರನ್ನು ಬಿಡುಗಡೆ ಮಾಡಲಾಯಿತು ಮತ್ತು ನಂತರ ಅವರು ಗೋಲ್ಡ್ ಕೋಸ್ಟ್‌ನ ಮುಖ್ಯ ಸ್ಕೌಟ್ ಕೂಡ ಆದರು.
ಹೀಗೆ ಅಶಾಂತಿ ಜನರ ಕೌಶಲ್ಯಯುತ ಜೀವನ ಶೈಲಿಯನ್ನು ಅತೀ ಸೂಕ್ಷ್ಮವಾಗಿ ಹತ್ತಿರದಿಂದ ತಿಳಿದು ಅದನ್ನು ಸರಳ ಕ್ರಮಗಳಲ್ಲಿ ರೂಪಿಸಿ ಸ್ಕೌಟ್ ಸಂಸ್ಥೆಯನ್ನು ಸ್ಥಾಪಿಸುವುದರ ಮೂಲಕ ಜಗತ್ತಿಗೆ ಪರಿಚಯಿಸಿ ಎಲ್ಲರೂ ಈ ಚಟುವಟಿಕೆಗಳನ್ನು ಉಪಯೋಗಿಸುವಂತೆ ಮಾಡಿದ ಬೇಡನ್ ಪೋವೆಲ್ ಅವರಿಗೆ ನಾವು ಎಷ್ಟು ಕೃತಜ್ಞತೆ ಸಲ್ಲಿಸಿದರು ಕಡಿಮೆ.
ಧನ್ಯವಾದಗಳು.
Photo credit : THE DOWNFALL OF PREMPEH book
Music : Music by toby smith from pixabay
#scout #lefthandshake #prempeh