قصيده الشاعر عوده الحمراني في الشيخ الفارس / حواس بن كنعان الصديد شيخ مشايخ شمر الصايح
يالله طلبتك يوم عدل الميازين - ندراك ياللي مالغيرك عماره
يالحاكم اللي مالغيرك شريكين - ولا غير حكم الله ينفذ قراره
يالله تجعلنا على العدل ماشين - يامصفي قلوبن كثيرن دماره
الحق عنده وانظروا للميازين - معلقاتن بالمساء للنظاره
خوفوا من الله خوفة المستخيفين - تدرون وجه الله ليل ونهاره
والله يحب اهل القلوب السليمين - اللي يقيمون الليالي سهاره
من البادية جينا لبغداد عانين - جينا على بيتن نزوره زياره
بيتن لنا من اهل البيوت القديمين - ولا ينكر بيتن بعيدن خباره
مصاقرن مشهورتن للبعيدين - من الماكر اللي ماضياتن حراره
خيالتن يوم الملاقا عنيدين - فرسان لياجتهم من الضد غاره
ويلتون خيالن لهم بالميادين - شيب وحنا مالحقنا قراره
فارس عنيدن لاتلاقوا مخيفين - وسيفن ليا شرع يقص الفقاره
حواس شيخن ماضين له براهين - وزودن على فعله ثقيلن عياره
وليا توازيتوا نصيتوه عجلين - الشيخ اللي طلع المحابيس كاره
شوفه بعيد ورافعه للبعيدين - ويذكر لنا يم الخليج الاماره
اوما له المومي ولفح بالجناحين - ووكر بالاردن على خط ناره
يالله ترجع طيرنا له مراجين - الهيلع الاشقر يعود لمطاره
شيخن لنا يمشي على الكود واللين - وان جاه غيضن قام يقدح شراره
عندك ضنا صياح ضد المعادين - الصايح اللي ماتداري عماره
اللي على لزومكم مستعدين - بالكاش يسقون العدو من مراره
العز ماهو بالرجال الذليلين - اللي شواربعم تشوف الحقاره
اللي يشوفون الحقاره ومغضين - وش فرقهم عن لابسات الحماره
المرجله تبغي رجالن صعيبين - لاجتهم العيله تلقوا خطاره
ان صاح صياح ورى المال مقفين - تفرح بهم خلجن تدور حواره
قل وينكم ياناطحين العيولين - ولكم تواريخن قديمات اثاره
وين العيال اللي على الموت جسرين - ووين الرجال اللي صليبن شواره
قل ياعيال تروكم عن الدرب غادين - الدرب هذا مابه الا الخساره
غرقت سفينتكم ولا له مداعين - بوسط البحور اللي تماوج خضاره
والشين ماله عن ربه تعاوين - تقنطرتبه يوم غارة مهاره
وتقنطرتبه يوم ركبوا مغيرين - كصموه كبير ولا لقوله جباره
الخاينين المجرمين الخبيثين - تسلمتهم قوة الله بناره
تسلمتهم قوة اقوى القويين - قوة حكيمن مال غيره اداره
ادعي لهم بدعوة المستجيبين - اللي لهم عنده تبين الاشاره
وبجاه منهم بالمساجد مقيمين - وبجاه من له عند ربه حضاره
ولا اسب انا ناسن على العدل ماشين - اسب كلن مايريد العداله