فارس يقوله ياولد
لاجل البنيخي يستعد
كم عايلٍ عنده ركد
مادام كيفه اليوم زان
اترند شمر به يجول
لاجل البنيخي هو يقول
في قافه ووزنه يطول
ياويل خصمه لو يبان
من ماجد العود الكبير
هم القياده يا صغير
بس امرهم هو اليصير
وافعالهم هي البيان
لا قلت وينك ياعلي
الهم مني ينجلي
كم ذيب بحضوره طلي
ياتيك بجزالٍ سمان
ومانع سمي مانع صطر
اليا حضر مثل المطر
والى انتخى اخوّو خطر
كم عايلٍ عنده يهان
وحسين ابو عمشه بعدي
في ضيقتي هو مسندي
عمره ولا خاوى ردي
به ادهمٍ حاضر وكان
وهاني يهون للصعب
ياطى على العليا غصب
فنجال طيبه بس يصب
ربعه مع حضوره امان
واثني على ميزر بعد
ابداً ولا خان الوعد
في وقفته مثل الاسد
ان طال او قصر الزمان
بعمامهم معا الخوال
هم النوادر بالعيال
صغيرهم مايوم مال
وكبيرهم عهده يُصان
اثني على لابه واشوش
وقت الوغى هم الوحوش
تخضع لهم كل العروش
ربعي هل الحرشا بيان