شيله : يام الحلام
اداء : صالح الهمامي
ابيات مهداة من المهندس مشاري بن ناصر بن عبدالوهاب القحطاني الى عبدالله بن هادي بلحارث اليامي
عداد برقٍ سرى يشعف سناه الجهام
وعداد ما للر َعـد بعده سمعنا دوي
سلام باسم الوفا ينصى رفيع المقام
نجمٍ مهو بيهوي حين النجوم تهوي
تسليمةٍ من سمعها شاش راسه شمام
فيها شبه من قنيب سريح يوم يعوي
أظهر من النور .. وأطهر من رشاش الغمام
وأصدق من ردود زينات الخشب والطوي
أسوقها من غلا .. ولكلّ قولٍ مقام
مخصصة للخوي .. ومعمّمة للذوي
تعمّ ( بلحارث الجمرة ) و ( صبيان يام )
وفاء لـ (عبدالله ابن هادي ) حزام الخوي
أهل العلوم العظيمه والفعول العظام
من عاد بقعاء صبيّة .. والبقاء للقوي
في ماضي الوقت يوم الجوع دقّ العظام
والناس في قلّ حال وذلّ ليل سروي
بالمعتلى والرفاع تشوف (يام الحلام)
مروبعين البيوت وشاعمين الضوي
الجود طبعٍ لهم .. والله خلقهم كرام
يا كثر من قد روى عنهم وما قد روي
واللي معه مثل أبو هادي عليّ الحرام
ما همّ عوجاء الزمن لو كان ما تستوي
يستاهل العود الازرق عقب فرخ السنام
والدله اللي بها طبٍّ لراس الخوي
ذي زبدة الهرج.. والمبدا ومسك الختام
بالمختصر والمفيد الشابع المرتوي
(عبدالله بلحارث اليامي ) رفيع المقام
تزهى به الخوّة وباسمه يماري الخوي