“Taraqqiyot strategiyasi” markazi tomonidan O‘zbekiston Respublikasining Belgiyadagi elchixonasi hamda O‘zbekiston va Yevropaning yetakchi tahlil markazlari bilan hamkorlikda Brussel shahrida “O‘zbekiston-Yevropa Ittifoqi” tahlil markazlari forumi o‘tkazildi.
Forum Oliy Majlis Senati Raisining birinchi o‘rinbosari Sodiq Safoyevning kirish so‘zi bilan boshlandi. Tadbirda Yevropa Ittifoqining O‘zbekiston va Markaziy Osiyo bilan munosabatlari ko‘rib chiqilib, hamkorlikning asosiy jihatlari, xususan, mintaqada ikki va ko‘p tomonlama aloqalarni mustahkamlash istiqbollari muhokama qilindi.
Ekspertlar tomonidan Yevropa Ittifoqi va Markaziy Osiyo mamlakatlari o‘rtasida iqtisodiy integratsiya va savdoni mustahkamlash imkoniyatlari hamda O‘zbekiston bilan o‘zaro hamkorlik dinamikasiga alohida eʼtibor qaratildi.