Համայնքային, պետական ու մասնավոր շատ շենքեր, շինություններ մատչելի չեն հաշմանդամություն ունեցող անձանց համար։ Այս դիտարկումը հենց նրանք՝ հաշմանդամություն ունեցող անձինք են անում։ Մատչելիության խնդիրը հատկապես ակնառու է Շիրակի մարզի գյուղական համայնքներում։ Գյումրիում և մարզի խոշորացված համայնքներում քանի համայնքային ու հասարակական շինություններում է մատչելիությունը բացակայում, քանիսում թեքահարթակները չեն համապատասխանում սահմանված ստանդարտներին։ Այս հարցի պատասխանը ստանալու և մարզում հաշմանդամություն ունեցող անձանց համար մատչելիությունը բարձրացնելու նպատակով ծրագիր է իրականացնում «Ագաթ» հաշմանդամություն ունեցող կանանց իրավունքների պաշտպանության կենտրոնը։