ஸ்வஸ்தம் ஒரு முழுமையான, நிறைவான மற்றும் அமைதியான வாழ்விற்குரிய வாழ்க்கை முறையை பகிர்ந்தளிக்கும் மையம் ஆகும். இம்மையம் ஒவ்வொரு தனிமனிதனின் மனநிம்மதியை அவரவர் அளவில் பெற்றுக்கொள்ளவும், காத்துக்கொள்வத்ற்குமான பரிந்துரைகளை, வழிமுறைகளை பற்றி உரையாடுகிறது… இதில் புறச்சூழல் சார்ந்த தயக்கங்களில் இருந்து விடுபடுவது, வாழ்வின் ஒவ்வொரு தருணங்களிலும் செயல்பாடுகளிலும் தற்சார்புடன் இயங்குவது, ஒவ்வொருவரும் தமது சிறப்புப்பண்பை கண்டு கொள்வது, சமகால வாழ்வில் மனநிறைவுடனும் பொருள் நிறைவுடனும் வெற்றியாளராவது, தாம் வெற்றியடைந்த அனுபவங்களை பிறருடன் பகிர்ந்து கொள்வது என்கிற வகையில் செயல்படுகிறது.
இவ்வாறான தனிமனித வாழ்க்கை முறைக்குரிய கல்வி, உடல்நலம், தற்சார்பிற்குரிய வாழ்வியல் அம்சங்களை ஸ்வஸ்தம் பரிந்துரைக்கின்றது. தத்தமது சிறப்புத்தன்மைகளை பெற்றுக்கொள்ளவும் கற்றுக்கொள்ளவும் ஒவ்வொருவரையும் அழைக்கிறது. தனிமனித சுதந்திரமும், நிறைவான கொண்டாட்டமுமான வாழ்க்கை முறை மட்டுமே மனிதனின் வாழ்வை அர்த்தமுள்ளதாக மாற்றும் வல்லமை கொண்டது என ஸ்வஸ்தம் வலியுறுத்துகிறது…