મોડાસાના ભામાશા હોલ ખાતે ભૂલકા મેળો યોજાયો : એક અનોખી રચનાત્મકતાની ઉજવણી
અરવલ્લી જિલ્લામાં ICDS વિભાગ દ્વારા ભૂલકા મેળો યોજાયો, મોડાસાના ભામાશા હોલ ખાતે યોજાયેલા ભૂલકા મેળાએ બાળકોની પ્રતિભાને નવી ઉંચાઈઓ પર પહોંચાડી છે. આ મેળામાં આંગણવાડીના બાળકોએ પોતાની કલાત્મક અને સર્જનાત્મક કુશળતાનું પ્રદર્શન કરીને સૌને આશ્ચર્યચકિત કર્યા છે.
મોડાસાના ભામાશા હોલમાં યોજાયેલા ભૂલકા મેળાએ બાળકોની દુનિયામાં એક નવી રોશની ફેલાવી છે. આ મેળામાં બાળકોએ પોતાની કલ્પનાશીલતા અને સર્જનાત્મકતાને નવી ઉંચાઈઓ પર પહોંચાડી છે. ચિત્રકામ, હસ્તકલા, કવિતા, વાર્તાલેખન જેવી વિવિધ કળાઓમાં બાળકોએ પોતાની પ્રતિભાનું નિદર્શન કર્યું છે.બાળકો દ્વારા બનાવેલી સુંદર કૃતિઓએ હાજર રહેલા દર્શકોને મંત્રમુગ્ધ કરી દીધા હતા. નાનકડા હાથો દ્વારા પ્રદર્ષિત કૃતિઓમાં એક અનોખી નિર્મળતા અને ભાવના જોવા મળી હતી. આ મેળા દ્વારા બાળકોમાં રહેલી પ્રતિભાને પ્રોત્સાહન મળ્યું છે અને તેમના આત્મવિશ્વાસમાં વધારો થયો છે.
જિલ્લા કલેકટર દ્વારા સંબોધન કરતા જણાવ્યું કે ;ભૂલકા મેળાનું મહત્વ અપાર છે. આ મેળા દ્વારા બાળકોમાં રહેલી રચનાત્મકતાને પ્રોત્સાહન મળે છે. બાળકો પોતાની કલ્પનાશીલતાને મુક્ત લગામ આપીને નવી નવી વસ્તુઓ બનાવવાનું શીખે છે. આ મેળા દ્વારા બાળકોમાં આત્મવિશ્વાસ વધે છે અને તેઓ સમાજમાં પોતાની ઓળખ બનાવવા માટે પ્રેરિત થાય છે.ભૂલકા મેળા દ્વારા બાળકોમાં સહકારની ભાવના કેળવાય છે. બાળકો એકબીજા સાથે મળીને કામ કરવાનું શીખે છે. આ મેળા દ્વારા બાળકોમાં સંસ્કારી નાગરિક બનવાની ભાવના કેળવાય છે.અને આજના બાળકોને માતા પિતા એ સમય આપવો જોઈએ.તેનાથી બાળકની અંદર રહેલી શક્તિઓ ખીલશે.
આ ભૂલકા મેળાને સફળ બનાવવામાં સહકાર આપવા જિલ્લા પ્રમુખજિલ્લા વિકાસ અધિકારીજિલ્લાના અન્ય પદાધિકારીઓ તેમજ જિલ્લાના દરેક સેજાની કાર્યકર બહેનો વાલીઓ અને મોટી સંખ્યામાં નાના ભૂલકાઓ હાજર રહીને કાર્યક્રમને માણ્યો હતો.