واقع لو حلم
الشاعر كريم قاسم الاسدي
#واقع_لو_حلم_كريم_قاسم_الاسدي
#الشاعر_كريم_قاسم_الاسدي
#كريم_قاسم_الاسدي
#قصيدة_شعر
#محرم
#محرم_الحرام
#شعراء
حسابات الرسميه للشاعر كريم قاسم الاسدي
الفيس بوك profile.php?id=100013346468508&mibextid=ZbWKwL
الانستاگرام karim._qasim?igsh=MWFkZ2tyamNuc2VyNw==
التي كتوك www.tiktok.com/@karim._qasim?_t=8k3cONc6TLh&_r=1
تليجرام t.me/wwalshshaeiekarimaltayibcom
اني بخيمتي اسمع اصراخ ايتام
واقع لو حلم ما اعرف شبيه
طلعت من المخيم شفت بس نسوان
من شافني كلهن ركضن عليه
وحده تكلي سكنه نجرت ويالخيل
وحده تكلي ذيج وحده مو هيه
دخان وجثث وخيول ها يحسين
جنكم للمخيم مالكم جيه
ركضنه عالرمل يحسين بس حفاي
وحده تكل للاخره شبيها رجيله
حركو خيمتي وكادوني يالعباس
منين حسين اجيبه واكعد فيه
ضايع خنصرك مابين زلم وخيل
ومن بنتك خذو يحسين ترجيه
ترضوها الاميره تروح فوك النوك
بت قالع الباب تروح مسبيه
مو عاشور جن رمضان صار وياي
حلم تعبر علينه ذيج الميه
اكلهم ماي اسكوهن بنات حسين
اشو ياهو الاكله يكلي شعليه
فوك النوك من صعدن العلويات
علويه ويجتفوها وي علويه
بشرك كعدوني بنص زلم يحسين
وعلى هالحاله ابشرك خويه يوميه
انا بخيمتي واسمع اصراخ ايتام
واقع لو حلم ماعرف شبيه