देवराजसेव्यमानपावनांघ्रिपङ्कजं
व्यालयज्ञसूत्रमिन्दुशेखरं कृपाकरम् ।
नारदादियोगिवृन्दवन्दितं दिगंबरं
काशिकापुराधिनाथकालभैरवं भजे ॥ १॥
भानुकोटिभास्वरं भवाब्धितारकं परं
नीलकण्ठमीप्सितार्थदायकं त्रिलोचनम् ।
कालकालमंबुजाक्षमक्षशूलमक्षरं
काशिकापुराधिनाथकालभैरवं भजे ॥ २॥
शूलटंकपाशदण्डपाणिमादिकारणं
श्यामकायमादिदेवमक्षरं निरामयम् ।
भीमविक्रमं प्रभुं विचित्रताण्डवप्रियं
काशिकापुराधिनाथकालभैरवं भजे ॥ ३॥
भुक्तिमुक्तिदायकं प्रशस्तचारुविग्रहं
भक्तवत्सलं स्थितं समस्तलोकविग्रहम् । (स्थिरम्)
विनिक्वणन्मनोज्ञहेमकिङ्किणीलसत्कटिं (निक्वणन्)
काशिकापुराधिनाथकालभैरवं भजे ॥ ४॥
धर्मसेतुपालकं त्वधर्ममार्गनाशकं (नाशनं)
कर्मपाशमोचकं सुशर्मदायकं विभुम् ।
स्वर्णवर्णशेषपाशशोभितांगमण्डलं (केशपाश, निर्मलं)
काशिकापुराधिनाथकालभैरवं भजे ॥ ५॥
रत्नपादुकाप्रभाभिरामपादयुग्मकं
नित्यमद्वितीयमिष्टदैवतं निरंजनम् ।
मृत्युदर्पनाशनं करालदंष्ट्रमोक्षदं (भूषणं)
काशिकापुराधिनाथकालभैरवं भजे ॥ ६॥
अट्टहासभिन्नपद्मजाण्डकोशसंततिं
दृष्टिपातनष्टपापजालमुग्रशासनम् ।
अष्टसिद्धिदायकं कपालमालिकाधरं
काशिकापुराधिनाथकालभैरवं भजे ॥ ७॥
भूतसंघनायकं विशालकीर्तिदायकं
काशिवासलोकपुण्यपापशोधकं विभुम् । (काशिवासि)
नीतिमार्गकोविदं पुरातनं जगत्पतिं
काशिकापुराधिनाथकालभैरवं भजे ॥ ८॥
॥ फलश्रुतिः ॥
कालभैरवाष्टकं पठंति ये मनोहरं
ज्ञानमुक्तिसाधनं विचित्रपुण्यवर्धनम् ।
शोकमोहदैन्यलोभकोपतापनाशनं (लोभदैन्य)
प्रयान्ति कालभैरवांघ्रिसन्निधिं नरा ध्रुवम् ॥
(ते प्रयान्ति कालभैरवांघ्रिसन्निधिं ध्रुवम् ॥)
॥ इति श्रीमत्परमहंसपरिव्राजकाचर्यस्य
श्रीगोविन्दभगवत्पूज्यपादशिष्यस्य
श्रीमच्छङ्करभगवतः कृतौ
श्री कालभैरवाष्टकं सम्पूर्णम् ॥
The Kalbhairav Ashtakam is a significant devotional hymn dedicated to Lord Kalbhairav, a fierce form of Lord Shiva. Reciting this ashtakam is believed to invoke the blessings of Kalbhairav, who is considered the protector of travelers and the guardian of the universe.
### Importance:
1. **Spiritual Protection**: It is said to offer protection from negative energies and obstacles in life.
2. **Removal of Fears**: The hymn helps in overcoming fears, anxiety, and psychological disturbances.
3. **Devotion and Surrender**: Reciting it fosters a deep sense of devotion and surrender to Lord Shiva.
4. **Inner Strength**: It is believed to imbue devotees with inner strength and confidence.
5. **Moksha and Liberation**: Chanting this ashtakam can aid in spiritual growth and the pursuit of moksha.
Regular recitation is often associated with peace, prosperity, and overall well-being
#powerful God name #kalbhairavashtak #astrology #dharma #hindudeity