តារានិករសត្វពពែ (កើតរវាងថ្ងៃទី១៤មេសា រហូតដល់ថ្ងៃ១៤ឧសភា)
តារានិករសត្វពពែគឺជាតារានិករដែលមានការផ្លាស់ប្ដូរច្រើនដូចគ្នា មិនថាការផ្លាស់ប្ដូរការងារ ប្ដូរកន្លែង ព្រោះឆ្នាំថ្មីនេះតារានិករពពែចាប់ផ្ដើមដំណើរការការងារកាន់តែមានភាពល្អប្រសើរឡើង តែការងារល្អប្រសើរទាល់តែខែមេសា ដូច្នេះខែមករាកុម្ភៈនិងមិនា តារានិករសត្វពពែចាំបាច់ត្រូវតែធ្វើការងារធ្ងន់ ជាតារានិករដែលត្រូវទទួលខុសត្រូវលើកិច្ចការជាច្រើនមុខ ក្នុងពេលដំណាលគ្នា ទោះជាច្រើនក៏ពិតមែនតែការដែលមានការងារធ្វើប្រសើរជាងអង្គុយស្ងៀមមិនមានអ្វីធ្វើដែរ ហេតុនេះអ្នកដែលកើតក្នុងតារានិករសត្វពពែត្រូវតែមានការអត់ទ្រាំឲ្យខ្លាំង សិក្សាស្វែងយល់បន្ថែមពិសេសសម្របខ្លួនឲ្យខ្លាំងដើមឆ្នាំថ្មី២០២១។ លុះឈានដល់ខែមេសាហើយនោះមិនថាអ្នកគិតចង់បើកហាងរកស៊ី បណ្ដាក់ទុន ឬធ្វើកិច្ចការណាមួយដែលមានខ្លួនឯងជាម្ចាស់ តារានិករសត្វពពែគឺជាតារានិករដែលដំណឹងល្អកំពុងតែរងចាំអ្នកហើយ។
លុយកាក់
ដំណឹងល្អគឺការរកប្រាក់ចំណូលបានច្រើន តែការចាយវាយច្រើនផ្នែកក៏ធ្វើឲ្យហៅប៉ៅកាបូបរបស់យើងដាច់រហែកដូចគ្នា ដូច្នេះហើយអ្នកត្រូវចាំបាច់សន្សំឲ្យគង់ ចំណែកលាភសំណាងក៏អាចមានឱកាសទទួលបានខ្លះដែរប្រសិនបើចេះរៀបចំគម្រោងនិងផែនកាឱ្យបានល្អលុយកាក់នឹងហូរចូលកាន់តែច្រើនឡើងថែមទៀត
ស្នេហា
និយាយពីរឿងរ៉ាវស្នេហា ចំពោះអ្នកមិនទាន់ដល់គូនឹងបានជួបគូស្នេហ៍ដែលនឹងចូលមកក្នុងជីវិតអ្នកយ៉ាងឆាប់រហ័សដោយមិនដឹងខ្លួន។ អ្នកដែលនឹងក្លាយមកជាគូសង្សារសំណព្វចិត្តរបស់អ្នកអាចជាមនុស្សដែលអ្នកឧស្សាហ៍ជួបអ្នកជាញឹកញាប់តែសុខៗគេមកសុំប្ដូរឋានៈពីមិត្តធម្មតាមកជាមិត្តពិសេសវិញម្ដង ឆ្នាំថ្មីឆ្នាំ២០២១ខាងមុខនេះជាឆ្នាំដែលក្ដីស្នេហាតារានិករសត្វពពែមានក្ដីសុខ ចំពោះអ្នកមានគូឬមានគ្រួសារហើយនោះជីវិតស្នេហារបស់អ្នកនឹងកាន់តែមានក្ដីសុខនិងសុភមង្គលខ្លាំងឡើង។
សុខភាព
ពិនិត្យជារួម តារានិករពពែមិនមានអ្វីគួរឲ្យបារម្ភនោះទេ គ្រាន់តែពីរខែដំបូងក្នុងឆ្នាំ២០២១ គឺខែមករានិងកុម្ភៈ គួរតែមានការប្រុងប្រយ័ត្នចំពោះបញ្ហាជំងឺឈឺថ្កាត់ឬគ្រោះថ្នាក់ ឬការវះកាត់ ដូច្នេះដើមឆ្នាំអ្នកគួរតែកែគ្រោះដោយការធ្វើបុណ្យ ប៉ុន្តែអ្វីដែលកាន់តែសំខាន់គឺមើលថែសុខភាពខ្លួនឯងឲ្យបានល្អបំផុត
លេខហេងឬលេខសំណាង
បើសិនចង់ឲ្យកិច្ចការងាររកស៊ីមានភាពរលូនល្អប្រសើរ លេខសំណាងជួយឲ្យរាសីរបស់អ្នកខ្ពស់គឺលេខ៨៩ លេខនេះនឹងធ្វើឲ្យតារានិករសត្វពពែមានគោលដៅកាន់តែច្បាស់លាស់ហើយធ្វើកិច្ចការងារកាន់តែជោគជ័យច្រើនឡើង។